• search
மும்பை அப்டேட்டுகளுக்கு
நோட்டிபிகேஷனை அனுமதி  

குட் நியூஸ்! வீடு, வாகன கடன்கள் மீதான வட்டி குறைகிறது.. ஈ.எம்.ஐ. குறைந்து பணம் பாக்கெட்டில் சேரும்

|

மும்பை: ரெப்போ விகிதத்தை ரிசர்வ் வங்கி மீண்டும் குறைத்துள்ளதால், வீடு மற்றும் வாகன கடன் மீதான வட்டி விகிதம் குறையும் வாய்ப்பு ஏற்பட்டுள்ளது. இதனால் ரியல் எஸ்டேட் தொழில் மற்றும் வாகன உற்பத்தி மீண்டும் சூடு பிடிக்கும் வாய்ப்பு ஏற்படும் என்று கருதப்படுகிறது.

இந்தியாவின் நம்பர் 1 கார் உற்பத்தியாளர் மாருதி சுசுகியே வரலாறு காணாத விற்பனை வீழ்ச்சியை சந்தித்துள்ளதாக அறிவித்துள்ளது.

இந்த சூழ்நிலையில், ரெப்போ விகிதத்தில் 35 சதவீதத்தை ரிசர்வ் வங்கி குறைத்துள்ளது, பொருளாதார வல்லுநர்களின் பார்வையில், நல்ல முன்னெடுப்பாக பார்க்கப்படுகிறது.

வாடிக்கையாளர்களுக்கு பலன்

வாடிக்கையாளர்களுக்கு பலன்

ரெப்போ விகிதம் என்பது வங்கிகள், ரிசர்வ் வங்கியில் பெறும் கடனுக்கான வட்டி வீதமாகும். ரிசர்வ் வங்கி ரெப்போ விகிதத்தை குறைக்கும்போது, ​​குறைந்த செலவில் வங்கிகளுக்கு பணம் கிடைக்கிறது. எனவே இந்த பலனை வாடிக்கையாளர்களுக்கு வங்கிகள் கடத்திச் செல்லும் என்பதுதான் வாடிக்கையாளர்களுக்கான நன்மை.

மேலும் குறையும் வட்டி

மேலும் குறையும் வட்டி

ரெப்போ விகிதக் குறைப்பு ரியல் எஸ்டேட் துறையில் நேரடி தாக்கத்தை ஏற்படுத்தும். வீட்டுக் கடன்களை நாடுபவர்களுக்கு குறைந்த வட்டியில் கடன் கிடைப்பது இதற்கான காரணம். வங்கிகளுக்கான நிதி செலவு குறைந்து வருவதால், கடன் வட்டி விகிதம் மேலும் குறையும் என்று எதிர்பார்க்கப்படுகிறது. இது ஏற்கனவே கடன் வாங்கியுள்ள மற்றும் புதிதாக கடன் வாங்குபவர்களுக்கு பயனளிக்கும் வகையில் இருக்கும். ஏனெனில் அவர்களின் ஈ.எம்.ஐ குறைவாக மாறும். வட்டி சுமையும் குறையும்.

வங்கிகள் கையில் முடிவு

வங்கிகள் கையில் முடிவு

அதேநேரம், ரிசர்வ் வங்கி ரெப்போ விகிதத்தை குறைப்பதால் ஏற்படும் நன்மையை, வாடிக்கையாளர்களுக்கு வங்கிகள் கொண்டு சென்று சேர்ப்பதை பொறுத்துதான் இது அமையும். ஏனெனில், கடந்த காலத்தில், வங்கிகள் கால தாமதத்துடன்தான் வட்டி குறைப்பின் பலன்களை வாடிக்கையாளர்களுக்கு அளித்தன. அதே நேரத்தில் ரிசர்வ் வங்கி ரெப்போ விகிதத்தை அதிகரிக்கும் போது உடனே வட்டியை கூட்டிவிடுவது வங்கிகள் வழக்கமாக இருந்தது.

இதுதான் உதாரணம்

இதுதான் உதாரணம்

ஒரு உதாரணத்தை பார்க்கலாம். 9 சதவீத விகிதத்தில் ஒருவர் வீட்டுக் கடனை, 15 ஆண்டுகாலத்திற்கு வாங்கியிருப்பதாக வைத்துக் கொள்வோம். ரூ .1 லட்சம் கடனுக்கான ஈ.எம்.ஐ ரூ .1,014 ஆக இருக்கும். வட்டி 1 சதவீதம் குறைக்கப்பட்டால், ஈ.எம்.ஐ ரூ .956 ஆக மாறுகிறது, சுமார் 6 சதவீத குறைவாகும்.

அப்படியானால், மொத்த கடன் தொகை ரூ .30 லட்சம் என்று வைத்துக்கொள்ளுங்கள். வட்டி ஒரு சதவீதம் குறைக்கப்பட்டால், மாதம் 1758 ரூபாய் மிச்சமாகும்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The Monetary Policy Committee (MPC) of the Reserve Bank of India (RBI) in its third bi-monthly Monetary Policy Statement for 2019-20 cut the repo rate by 0.35 per cent on Wednesday.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more