சோனு சூட் மோசடிக்காரர்.. வந்த ட்வீட்டை லைக் போட்டு வாங்கிக் கட்டிக் கொள்ளும் கங்கனா ரனாவத்
மும்பை: கொரோனா காலத்தை பணம் சம்பாதிப்பதற்காக பயன்படுத்தும் நடிகர் சோனு சூட் ஒரு மோசடிக்காரர் என ஒரு நெட்டிசன் பதிவிட்ட ட்வீட்டிற்கு நடிகை கங்கனா ரனாவத் லைக் செய்துள்ளார்.
Recommended Video
ஆக்ஸிஜன் மற்றும் மருத்துவமனைகளில் படுக்கை கிடைக்காமல் இந்தியா முழுவதும் மக்கள் உரிய சிகிச்சை கிடைக்காமல் உயிரிழக்கும் சம்பவங்கள் நடக்கின்றன. இதனால் ஆக்ஸிஜன் செறிவூட்டிகள், சிலிண்டர்களுக்கு பெரும் தட்டுப்பாட்டு நிலவுகிறது.
சைலண்ட்டாக அதிகரிக்கும் பெட்ரோல், டீசல் விலை - மக்கள் தலையில் விடியும் சுமை
இந்த நிலையில் ஒரு தனியார் நிறுவனத்தின் ஆக்ஸிஜன் செறிவூட்டியை சோனு சூட் விளம்பரம் செய்வதாக ஒரு புகைப்படம் சமூகவலைதளங்களில் வைரலானது.
சோனு சூட்
இந்த புகைப்படத்தை ஒருவர் ட்விட்டரில் பகிர்ந்தார். இதில் ஆக்ஸிஜன் செறிவூட்டிகளின் விலை ரூ 2 லட்சம் மட்டுமே என விளம்பரப்படுத்தப்பட்டிருந்தது. இதனை கடுமையாக விமர்சனம் செய்த நெட்டிசன் ஒருவர் சோனு சூட்டை கடுமையாக விமர்சித்துள்ளார்.
பணம் சம்பாதிக்கும் மோசடிக்காரர்
கொரோனா காலத்தை நடிகர் சோனுசூட் பணம் சம்பாதிக்கும் மோசடிக்காரர் என திட்டியுள்ளார். மேலும் அந்த ட்வீட்டை பாலிவுட் நடிகை கங்கனா ரனாவத்திற்கும் டேக் செய்திருந்தார். சோனு சூட்டை விமர்சிக்கும் அந்த டவீட்டிற்கு கங்கனா லைக் போட்டுள்ளார். இந்த ட்வீட்டை 2700 பேர் லைக் போட்டுள்ளனர். 800 பேர் ரீட்வீட் செய்துள்ளனர்.
என்ன சொல்கிறார் கங்கனா
இதனால் சோனு சூட் மோசடிக்காரர் என நெட்டிசன் போட்டதை கங்கனா ஆமோதிக்கிறாரா என சமூகவலைதளங்களில் ஒரு விவாதம் எழுந்துள்ளது. கடந்த ஆண்டே அந்த குறிப்பிட்ட நிறுவனத்தின் ஆக்ஸிஜன் செறிவூட்டிகள் மற்றும் தெர்மாமீட்டர் பிராண்டுகளை விளம்பரப்படுத்த சோனு சூட் ஒப்பந்தம் செய்யப்பட்டிருந்தார்.
கங்கனா
மேலும் இது பழைய புகைப்படம் என கூறப்பட்டுள்ளது. இதை எடுத்து போட்டு சிலர் சூழலுக்கு ஏற்ப பரப்பி வரும் நிலையில் உண்மை தெரியாமல் பலருக்கு உதவிகளை செய்யும் சோனு சூட் மீது இப்படி சேற்றை வாரி இரைக்கலாமா என நெட்டிசன்கள் கண்டனம் தெரிவித்துள்ளனர். விவசாயிகள் பிரச்சினையின்போதும் இப்படித்தான் போராடிய விவசாயிகளை கடுமையாக கங்கனா விமர்சித்திருந்தார்.