Just In

சுஷாந்த் சிங் சொல்லிக் கொடுத்த முத்தான விஷயங்கள்.. Chhichhore மறந்தது ஏனோ?.. ரசிகர்கள் குமுறல்

Updated: Sunday, June 14, 2020, 23:54 [IST]

மும்பை: பாலிவுட் நடிகர் சுஷாந்த் சிங் ராஜ்புத் தான் நடித்த படங்கள் மூலம் பல்வேறு நல்ல விஷயங்களை சொல்லிக் கொடுத்துள்ளார்.

Recommended Video

Sushant Singh Rajputன் நிறைவேறாத ஆசைகள்

பாலிவுட் நடிகர் சுஷாந்த் சிங் நேற்று தனது மும்பை வீட்டில் தூக்கிட்டு தற்கொலை செய்து கொண்டார். அவரது இறப்புக்கு பாலிவுட் நட்சத்திரங்கள் கண்ணீர் அஞ்சலி செலுத்தி வருகிறார்கள்.

இந்த நிலையில் நன்கு படித்தவர், நல்ல நடிகர் இவற்றை எல்லாம் தாண்டி இந்த சிறிய வயதில் தனது படங்கள் மூலம் நமக்கு நல்ல விஷயங்களை சொல்லிக் கொடுத்துள்ளார். அவற்றை நெட்டிசன்கள் நினைவுக்கூர்ந்து வருகிறார்கள்.

வேறு ஒரு ரயிலில் ஏறிவிட்டாயே சுஷாந்த்.. சுஷாந்த் நடிப்பில் ரசிகர்களை கவர்ந்த டாப் 5 படங்கள்!

நடிப்பு

எம்எஸ் தோனி அன்டோல்டு ஸ்டோரி மூலம் வாழ்க்கையில் எதையும் விட்டு கொடுக்கக் கூடாது என கற்றுக் கொடுத்துள்ளார். விளையாட்டுத் துறை தொடர்பான இந்த படத்தில் டோனியாக சுஷாந்த் சிங் சிறப்பாக தனது நடிப்பை வெளிப்படுத்தியிருப்பார். இந்த படம் 2016-ஆம் தேதி எடுக்கப்பட்டது. இந்த படத்தை பார்த்து இவரை தோனியே பாராட்டியிருந்தார்.

சுஷாந்த் சிங்

அதை போல் கேதார்நாத் என்ற படத்திலும் சுஷாந்த் நடித்திருந்தார். அதில் மதங்களை பொருட்படுத்தாமல் தன்னலமற்றவர்களாக இருந்துவிடுங்கள் என்பதன் கதை சுருக்கம்தான் இந்த படம். இது 2018-இல் எடுக்கப்பட்டது. இதில் இந்து மதத்தைச் சேர்ந்த பணக்கார பெண்ணுக்கும் முஸ்லீம் மதத்தைச் சேர்ந்த ஏழை ஆணுக்கும் இடையே மலரும் காதலை பற்றிய கதையாகும்.

கதையின் கரு

இதைத் தொடர்ந்து இவர் கடைசியாக நடித்த படம் சிக்சோரே என்ற படமாகும். இந்த படம் 2019-ஆம் ஆண்டு வெளியானது. பிளாக்பஸ்டர் படமான இந்த படம் ரூ 215 கோடி வசூலை அள்ளியது. இந்த படத்தில் தற்கொலைக்கு எதிராக எப்படி போராடி வெல்ல வேண்டும் என்பதை வலியுறுத்திய கதையாகும்.

வாழ்க்கை

இதுபோல் வாழ்க்கைக்கு தேவையான பாடங்களை நமக்கு கற்றுக் கொடுத்த சுஷாந்த் நேற்று தனது கடைசி படத்தின் கருவை மறந்து தூக்கிட்டு தற்கொலை செய்து கொண்டது வேதனையை அளிப்பதாக திரைத்துறையினர் தெரிவிக்கிறார்கள். சிரஞ்சீவி சார்ஜா, சுஷாந்த் ஆகிய இரு இளம் நடிகர்களின் இழப்பை திரையுலகினரால் ஜீரணிக்கவே முடியவில்லை.