அப்படி போடுங்க... இப்படி போடுங்க... தோனிக்கு நடனம் கற்றுக் கொடுக்கும் ஸிவா.. வைரல் வீடியோ
Recommended Video
மும்பை: கிரிக்கெட் வீரர் தோனியின் மகள் ஸிவா அவரது தந்தைக்கு நடனம் கற்றுக் கொடுக்கும் வீடியோ வைரலாகி வருகிறது.
தோனி கிரிக்கெட்டில் பிஸியாக இருந்தாலும் தனது மனைவி மற்றும் மகளுடன் நேரத்தை செலவிட்டு வருகிறார். அவர்களுடன் வெளியில் செல்வது, புகைப்படங்கள், வீடியோக்கள் பதிவிடுவது என செய்து வருகிறார்.
வீடியோ
மகளின் குறும்புத்தனங்களை வீடியோவாக பதிவு செய்து வருகிறார். இது வழக்கமான ஒன்று என்றாலும் தற்போது அவரது மகள் ஸிவா, தோனிக்கு நடனம் கற்றுக் கொடுக்கும் வீடியோ சமூக வலைதளங்களில் வைரலாகி வருகிறது.
கண்காணிப்பு
அந்த வீடியோவில் மகள் ஆடும் நடன அசைவுகளை கவனித்துக் கொண்டே தோனி ஆடுகிறார். அதுபோல் தோனி சரியாக ஆடுகிறாரா என ஸிவாவும் கண்காணிக்கிறார். இந்த வீடியோவுக்கு அனைவரும் தங்கள் கருத்துகளை பதிவு செய்து வருகின்றனர்.
தமிழில் பதில்
இது போல் தனது தந்தை தோனிக்கு மகள் ஸிவா தமிழ் கற்றுக் கொடுக்கும் வீடியோவும் கடந்த வாரம் வைரலானது. அதில் எப்படி இருக்கீங்க என ஸிவா மழலை தமிழில் கேட்கிறார். அதற்கு தோனியோ நல்லா இருக்கேன் என கூறுகிறார்.
|
ரசிகர்கள் மனதை தொட்ட வீடியோ
இந்த வீடியோவை "Greetings in Two languages" என்ற தலைப்பில் பதிவு செய்திருந்தார் தோனி. இது போல் ஹர்பஜன் சிங்கும் தமிழில் வாழ்த்து கூறுவது, தமிழ் கற்றுக் கொள்வது என செய்து தமிழ் ரசிகர்களின் மனதை கொள்ளை கொள்கிறார்.