• search
நியூயார்க் அப்டேட்டுகளுக்கு
நோட்டிபிகேஷனை அனுமதி  
Just In

ஓ மை காட்.. ட்ரம்ப்பின் "இன நிற வெறுப்பரசியல்".. ஆவேசம் அடங்காத மக்கள்.. தொடரும் கொலை மிரட்டல்கள்

Google Oneindia Tamil News

நியூயார்க்: முன்னாள் அதிபர் ட்ரம்ப்புக்கு கொலை மிரட்டல் விடுத்த தாத்தாவை போலீசார் அதிரடியாக கைது செய்துள்ளனர்.

ஆட்சியில் இருந்தாலும் சரி, இல்லாவிட்டாலும் சரி, டிரம்ப்பின் பெயர் தினம் தினம் மக்களிடையே உச்சரிக்கப்பட்டு வருகிறது.. டிரம்ப் பற்றிய செய்திகளும் வெளிவந்த வண்ணம் உள்ளன.

செய்திகள் எதுவுமே தன்னை பற்றி வெளிவரவில்லையானால், தானாகவே எதையாவது கிளப்பி விட்டு வைரலாக்கிவிடுவார் ட்ரம்ப்.. இப்படித்தான் பலமுறை சர்ச்சையாக பேசி மாட்டிக் கொண்டுள்ளார்.

என் மகள் நாட்டுக்கு பதக்கங்கள் பெற்று தந்தார்.. நீங்க என்ன செய்தீங்க சித்தார்த்? சாய்னா தந்தை கேள்வி என் மகள் நாட்டுக்கு பதக்கங்கள் பெற்று தந்தார்.. நீங்க என்ன செய்தீங்க சித்தார்த்? சாய்னா தந்தை கேள்வி

 ட்ரம்ப்

ட்ரம்ப்

இதுவரை தன்னை எதற்காக மக்கள் தேர்தலில் தோல்வியடைய வைத்தார்கள் என்பதை ஆராயவே இல்லை.. அதேசமயம் தன்னுடைய தோல்வியையும் அவரால் ஜீரணிக்கவே முடியவில்லை.. மக்களின் வெறுப்புக்கு ஆளாகி இருக்கிறோம் என்பதை உணராமல், அடுத்தடுத்த அரசியலை அங்கு முன்னெடுத்து வருகிறார்.. இந்நிலையில், ட்ரம்ப் மீது வெறுப்படைந்த ஒருவர், அவரை கொல்வதற்காகவே முடிவெடுத்துவிட்டார்.

 கொலை மிரட்டல்

கொலை மிரட்டல்

அந்த தாத்தாவுக்கு 72 வயதாகிறது.. டிரம்ப்புக்கோ 75 வயதாகிறது... தாத்தா அமெரிக்காவின் ரகசிய துறைக்கு போனை போட்டு, டிரம்ப்பை கொல்ல போகிறேன் என்று சொல்லி உள்ளார்.. அதுவும் ட்ரம்பை கடத்தி கொண்டு போய் கொன்றுவிடுவேன் என்று போலீஸ் அதிகாரிகளிடம் தாத்தா சொல்லி உள்ளார்.. இதனால் அதிர்ந்து போன போலீசார், தாத்தாவின் போன் சிக்னலை வைத்து, நேரடியாக வீட்டுக்கு வந்து அவரை கைது செய்து கொண்டு போய்விட்டனர்.

விசாரணை

விசாரணை

அதேபோல, தாமஸ் என்பவரும் ட்ரம்ப்பை கொல்ல போவதாக மிரட்டல் விடுத்தார்.. இவர் நியூயார்க்கின் ரகசிய போலீசாருக்கு கொலை மிரட்டடல் வாய்ஸ் மெசேஜ் அனுப்பி வைத்துள்ளார்.. இந்த மெசேஜை போலீசார் கண்டுகொள்ளவில்லையானாலும், 2, 3 முறை தொடர்ந்து கொலை மிரட்டல் மெசேஜ் வரவும்தான் உஷாரானார்கள்.. அதனால் தாமஸையும் கைது செய்தனர்.. விசாரணையும் ஆரம்பமானது.. ஆனால், விசாரணையில் ஒரு இடத்தில்கூட ட்ரம்ப் என்ற வார்த்தையை தாமஸ் பயன்படுத்தவே இல்லையாம்.. ஹிட்லர், ஹிட்லர் என்றே தன்னுடைய பதிலில் சொல்லி உள்ளார்..

 கோர்ட்

கோர்ட்

இறுதியில் கோர்ட்டில் ஆஜர்படுத்தினர் போலீஸ்.. ஜாமீன் தொகையை கோர்ட்டில் கட்டியதையடுத்து தாமஸ் வெளியே வந்தார்... ஆனாலும் இரவு நேரத்தில் வெளியே செல்ல தாமசுக்கு அனுமதி இல்லை.. போலீசுக்கு தெரியாமல் அவர் வெளியே எங்கேயும் நடமாடவும் முடியாது.. அப்படியே நடமாடினாலும், தங்களுக்கு தெரியப்படுத்தும் விதமாக, தாமஸ் உடம்பில் ஜிபிஎஸ் கருவி பொருத்தப்பட்டுள்ளதாம்.. இது ஒருபக்கம் இருந்தாலும், நாளுக்கு நாள் ட்ரம்ப் மீதான வெறுப்புணர்வு அங்கு அதிகமாகி கொண்டே வருகிறது.

English summary
US: 72-year-old New York Man Arrested For Threatening To Kill Ex-President Donald Trump
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
Desktop Bottom Promotion