அணு குண்டை வீசுங்கள்.. சரியாகிவிடும்.. புயல் தாக்குதலை தவிர்க்க டிரம்ப் சொன்ன ஐடியா.. அதிர்ச்சி!
புயல் தாக்குதலில் இருந்து அமெரிக்காவை காப்பாற்றுவதற்கு அமெரிக்க அதிபர் டிரம்ப் சொன்ன ஐடியா ஒன்று இணையம் முழுக்க வைரலாகி உள்ளது.
Recommended Video
நியூயார்க்: புயல் தாக்குதலில் இருந்து அமெரிக்காவை காப்பாற்றுவதற்கு அமெரிக்க அதிபர் டிரம்ப் சொன்ன ஐடியா ஒன்று இணையம் முழுக்க வைரலாகி உள்ளது.
அமெரிக்க அதிபர் டிரம்ப், அதிபர் ஆனதில் இருந்தே நிறைய சர்ச்சையை சந்தித்து வருகிறார். அதிலும் அவர் கொடுக்கும் ஐடியாக்கள் எல்லாம் தாறுமாறு தக்காளி சோறு ரகமாகவே இருக்கிறது.
கிரீன்லாந்தை விலைகொடுத்து வாங்க வேண்டும், மெக்சிகோ எல்லையில் மொத்தமாக சுவர் எழுப்ப வேண்டும் என்று இவர் சொல்லும் ஐடியாக்கள் எல்லாம் வேற லெவல். இந்த நிலையில்தான் அவர் புதிய அணு ஆயுத ஐடியா ஒன்றை கொடுத்துள்ளார்.
தாக்குதல்
பொதுவாக ஆப்ரிக்காவின் கடலோர பகுதிகளில் உருவாகும் புயல்தான், அமெரிக்காவை நோக்கி நகர்ந்து, பின் அமெரிக்காவின் ஏதாவது ஒரு கடல் அருகே கரையை கடக்கும். ஒரு வருடத்தில் அமெரிக்காவில் அதிகமாக இது போல புயல்கள் தாக்குவது உண்டு. அதிலும் மிக அதிக வேகத்தில் அங்கு புயல்கள் தாக்குவது வழக்கம்.
தீர்வு என்ன
இந்த நிலையில்தான் புயல் தாக்குதலில் இருந்து அமெரிக்காவை காப்பாற்றுவதற்கு அமெரிக்க அதிபர் டிரம்ப் சொன்ன ஐடியா ஒன்று சர்ச்சையாகி உள்ளது. அதன்படி புயல் மையம் கொண்டு இருக்கும் இடத்தில் அணு ஆயுத குண்டை போட்டால் புயல் உடனே செயல் இழந்து விடும். இதன் மூலம் அமெரிக்காவில் புயலே தாக்காது என்று டிரம்ப் கூறியுள்ளார்.
மோசம்
புயல் இருக்கும் கடல் பகுதியில் அணு குண்டையோ , ஹைட்ரஜன் குண்டையோ போடும் பட்சத்தில் அது மொத்தமாக செயல் இழக்கும். இதனால் அமெரிக்கா புயல் தாக்குதல்களில் இருந்து தப்பிக்கும் என்று டிரம்ப் கூறியுள்ளார். அதிகாரிகள் உடன் நடந்த சந்திப்பில் டிரம்ப் இந்த வேற லெவல் ஐடியாவை கொடுத்துள்ளார்.
வைரல்
டிரம்ப்பின் இந்த திட்டத்தை பலரும் கிண்டல் செய்துள்ளனர். இப்படி எல்லாம் கூட யாராவது யோசிப்பாங்களா என்று பலரும் கேட்டு டிரம்ப்பை கிண்டல் செய்துள்ளனர். அதே சமயம் டிரம்ப் இதே ஐடியாவை கடந்த வருடமும் ஆலோசனையின் போது கொடுத்தார் என்று கூறுகிறார்கள்.