நேரடியாக தாக்கும்.. ஓமிக்ரான் நோயாளிகளுக்கு ஏற்படும் புது அறிகுறி.. வல்லுனர்கள் விடுக்கும் வார்னிங்!
நியூயார்க்: ஓமிக்ரான் தாக்கிய நோயாளிகளுக்கு புதுவிதமான அறிகுறி ஒன்று ஏற்படுவதாக ஸ்டான்போர்ட் பல்கலைக்கழக ஆராய்ச்சி ஒன்று தெரிவித்துள்ளது.
Recommended Video
உலகம் முழுக்க கொரோனா மூன்றாம் அலை ஏற்பட ஓமிக்ரான் கேஸ்கள் மிக முக்கியமான காரணமாக அமைந்துள்ளது. சீனாவில் முதலில் கண்டறியப்பட்ட கொரோனாவில் 32 புரோட்டின் உருமாற்றங்கள் ஏற்பட்டு ஓமிக்ரான் கொரோனா உருவாகி உள்ளது.
இதனால் முதலில் பரவிய கொரோனாவை விட ஓமிக்ரான் மிகவும் வித்தியாசமான ஒன்றாக அமைந்துள்ளது. இதன் காரணமாக ஓமிக்ரான் அறிகுறிகளும் வித்தியாசமாக அமைந்துள்ளது.
சமூக பரவலாக மாறிய ஓமிக்ரான்.. வரும் காலத்தில் கேஸ்கள் அதிகரிக்கலாம்.. மத்திய அரசு தரும் வார்னிங்
அறிகுறிகள்
ஓமிக்ரான் இதற்கு முன்பு இருந்த டெல்டாவை போல இருதயத்தை பெரிய அளவில் பாதிக்கவில்லை. இதனால் மூச்சு பிரச்சனை அறிகுறிகள் பெரும்பாலும் ஓமிக்ரான் நோயாளிகளுக்கு ஏற்படுவது இல்லை. இது போக சுவை இழப்பு, வாசனை இழப்பு போன்ற அறிகுறிகளும் பெரும்பாலும் ஓமிக்ரான் நோயாளிகளுக்கு ஏற்படுவது இல்லை. பலருக்கு ஓமிக்ரான் மைல்ட் கேஸ்கள் மட்டுமே ஏற்படுகின்றன.
புதிய அறிகுறி
இந்த நிலையில் ஓமிக்ரான் நோயாளிகளுக்கு புதிய வகையான அறிகுறி ஒன்று ஏற்படுவதாக அமெரிக்காவின் ஸ்டான்போர்ட் பல்கலைக்கழகம் தெரிவித்துள்ளது. இது தொடர்பாக ஸ்டான்போர்ட் பல்கலைக்கழகம் வெளியிட்டுள்ள ஆய்வு அறிக்கையில், ஓமிக்ரான் நோயாளிகளை தொடர்ந்து கண்காணித்து வந்ததில் இந்த புதிய அறிகுறிகளை கண்டுபிடித்து இருக்கிறது. ஓமிக்ரான் அறிகுறிகள் பொதுவாக இதயத்தில் இருந்து மூளை வரை நீள்கிறது.
காதில் வலி
இதில் சிலருக்கு ஆச்சர்யம் அளிக்கும் வகையில் காதிலும் ஓமிக்ரான் அறிகுறிகள் ஏற்படுகின்றன. ஓமிக்ரான் நோயாளிகளின் காதுகளை சோதனை செய்ததில் இந்த கண்டுபிடிப்பை நிகழ்த்தி இருக்கிறோம். அதன்படி ஓமிக்ரான் நோயாளிகள் பலருக்கு காது வலி ஏற்பட்டுள்ளது. பலருக்கு காதில் "கிங்க்க்க்" என்ற சத்தம் கேட்டபடி இருந்துள்ளது. ஓமிக்ரான் பாதிப்பு ஏற்படும் முன்பு இந்த அறிகுறி பலருக்கு ஏற்பட்டு இருக்கிறது.
காது அடைக்கும்
இன்னும் சிலருக்கு காது அடைத்துக்கொள்ளும் பிரச்சனையும் ஏற்பட்டுள்ளது. சிலருக்கு காதில் விசில் அடிப்பது போன்ற சத்தமும் ஏற்பட்டுள்ளது. 2 டோஸ் வேக்சின் எடுத்துக்கொண்டவர்களுக்கும் கூட இந்த ஓமிக்ரான் அறிகுறி இருந்துள்ளது. இந்த அறிகுறிகள் ஏற்பட்டால் அவர்களுக்கு ஓமிக்ரான் இருக்கும் வாய்ப்புகள் உள்ளதாக ஸ்டான்போர்ட் பல்கலைக்கழக ஆய்வு தெரிவித்துள்ளது.
பொதுவான அறிகுறிகள்
இது போக ஓமிக்ரான் கொரோனாவிற்கு ஏற்படும் மற்ற சாதாரண அறிகுறிகள் பின்வருமாறு,
- உடல் கூச்சம்/குளிர்
- தொண்டை கரகரப்பு
- உடல் வலி
- காய்ச்சல்
- உடல் வலிமையற்று இருப்பது
- வாந்தி எடுப்பது
- இரவில் வியர்ப்பது
- இருமல்
- மூக்கில் சளித்தொல்லை
- சோம்பல்
- தலைவலி
ஆகிய அறிகுறிகள் ஏற்படும்.