India
  • search
நியூயார்க் அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

ரூ.2 கோடி பரிசு.. கனவில் கண்ட நம்பரில் வாங்கிய லாட்டரி.. ஒரே நாளில் கோடீஸ்வரர் ஆன அமெரிக்கர்!

Google Oneindia Tamil News

நியூயார்க்: அமெரிக்காவில் கனவில் வந்த எண்களை ஞாபகமாகக் கொண்டு வாங்கிய லாட்டரி சீட்டில் ஒருவருக்கு இந்திய மதிப்பில் சுமார் 2 கோடி பரிசு கிடைத்த சம்பவம் வியப்பை ஏற்படுத்தியுள்ளது.

நம்மில் பெரும்பாலானோருக்கு இரவில் கண்ட கனவு காலையில் நினைவில் இருக்காது. இரவில் நிஜம் போலவே வாழ்ந்த அந்தக் காட்சியில் காலையில் சுத்தமாக மறந்தே போய் விடும். ஆனால் கனவில் வந்த எண்கள் மூலம் ஒருவர் நிஜத்தில் கோடீஸ்வரர் ஆகி இருக்கிறார் என்றால், கேட்கவே ஆச்சர்யமாக இருக்கிறதல்லவா..

ஐக்கிய அமெரிக்க மாநிலங்களுள் ஒன்றான வர்ஜீனியாவில் தான் இப்படி ஒரு சம்பவம் நடந்துள்ளது.

 லாட்டரி மார்ட்டின், சரவணா கோல்ட் பேலஸ் சொத்துக்கள் முடக்கம்..அமலாக்கத்துறை அதிரடி நடவடிக்கை லாட்டரி மார்ட்டின், சரவணா கோல்ட் பேலஸ் சொத்துக்கள் முடக்கம்..அமலாக்கத்துறை அதிரடி நடவடிக்கை

லாட்டரி பரிசு

லாட்டரி பரிசு

அமெரிக்காவில், அரசு அனுமதியுடன் லாட்டரி விநியோகம் செய்யப்பட்டு வருகிறது. ஒரே நாளில் தங்களது வாழ்க்கை மாறி விடாதா, அதிர்ஷ்டம் வாசல் கதவைத் தட்டி விடாதா என்ற ஆசையில், அங்கு லாட்டரிகளை வாங்குபவர்களும் அதிகம், அவர்கள் எதிர்பார்த்தபடியே பரிசு பெற்று வாழ்க்கை மாறியவர்களும் அதிகம். அப்படிப்பட்டவர்களில் ஒருவர்தான் வர்ஜீனியாவைச் சேர்ந்த அலோன்சோ கோல்மேன் (Alonzo Coleman) என்பவரும்.

பரிசு பணம்

பரிசு பணம்

இவர் சமீபத்தில் கார்னர் மார்ட்டில் இருந்து இரண்டு அமெரிக்க டாலர்கள் கொடுத்து லாட்டரி டிக்கெட் ஒன்றை வாங்கியுள்ளார். கடந்த சில தினங்களுக்கு முன், தொலைக்காட்சியில் மூலம் தன்னிடம் உள்ள லாட்டரி சீட்டிற்கு பரிசு விழுந்ததை அவர் தெரிந்து கொண்டார். பரிசுத் தொகையின் மதிப்பு சுமார் 2.5 லட்சம் அமெரிக்க டாலர்கள் ஆகும். அதாவது இந்திய மதிப்பில் ரூ. 1,96,89,646.. அதாவது சுமார் 2 கோடி.

கனவில் கண்ட எண்

கனவில் கண்ட எண்

வெற்றியாளரான கோல்மேன், தனது வெற்றி பரிசுக்கான காசோலையுடன் அலோன்சோ கோல்மேன் இருக்கும் புகைப்படம் ஒன்றை வர்ஜீனியா லாட்டரி வெளியிட்டுள்ளது. தனக்கு பரிசை வென்று தந்த அந்த லாட்டரி எண்களை, கடையில் வாங்குவதற்கு முன்னதாக, தன் கனவில் கண்டதாக, லாட்டரி அதிகாரிகளிடம் கோல்மேன் கூறியதாக அந்நாட்டு ஊடகங்கள் தெரிவித்துள்ளன.

ஆச்சர்யம்

ஆச்சர்யம்

இந்தச் செய்தி சமூகவலைதளங்களில் வைரலானதைத் தொடர்ந்து, இணையத்திலும் பிரபலமாகி விட்டார் கோல்மேன். கனவில் கண்ட எண்களை வைத்து வாங்கிய லாட்டரிக்கு இவ்வளவு பரிசா என வியப்புடன் கருத்துக்களை வெளியிட்டு வருகின்றனர். கூடவே, கோல்மேனை அதிர்ஷ்டசாலி எனவும் நெட்டிசன்கள் வாழ்த்தி வருகின்றனர்.

English summary
In one of the strangest, too-good-to-be-true coincidences, a man form Virginia, USA, won a $250,000 prize (more than Rs. 1.97 crore) using lottery numbers he saw in a dream.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X