என்னா வேகம்.. கொள்ளை அழகு.. நம்ம டிரம்ஸ் சிவமணிக்கே டஃப் கொடுக்கும் போலயே இந்தக் குட்டிப்பாப்பா!
நியூயார்க்: டிரம்ஸ் சிவமணிக்கே டஃப் கொடுக்கும் வகையில் டிரம்ஸ் வாசித்து அசத்தும் 5 வயது சிறுமியின் வீடியோ நெட்டிசன்களை அசர வைத்துள்ளது.
சேட்டை செய்யும் குழந்தைகளின் க்யூட்டான வீடியோக்கள் பார்க்க பார்க்க கொள்ளை அழகாக இருக்கும். குழந்தைகள் திறமைகளை வெளிப்படுத்தும் வீடியோக்களோ நம்மை ஆச்சர்யப் படுத்தும். இந்த சிறு வயதில் இப்படி ஒரு திறமையா என அந்தக் குழந்தைகளை மனதார பாராட்ட வைக்கும். அந்த வகையில் தற்போதும் ஒரு குழந்தையின் வீடியோ சமூகவலைதளங்களில் வைரலாகி இருக்கிறது.
சம்பந்தப்பட்ட அந்த வீடியோவில் ஒரு 5 வயது சிறுமி டிரம்ஸ் வாசிக்க ஆயத்தமாகிறாள். ஒரு சில நொடிகளில் அந்த சிறுமி டிரம்ஸ் வாசிக்க தொடங்குகிறாள். அவள் டிரம்ஸ் வாசிப்பதை பார்க்கும் போது நம் கண்களை நம்மாலேயே நம்ம முடியவில்லை. அத்தனை வேகமாக ரசித்து ரசித்து டிரம்ஸ் வாசிக்கிறாள் அந்த குட்டி பெண்.
ஒரு நிமிடம் மட்டுமே ஓடக்கூடிய அந்த வீடியோவில் ஒரு நொடிக்கூட அந்த சிறுமி அசரவில்லை. அவளது கைகளும் கால்களும் மின்னல் வேகத்தில் செயல்படுகின்றன. டிரம்ஸ் வாசிப்பதோடு அந்தக் குட்டிப் பெண் கைகள் டிரம்ஸ் வாசிக்கும் குச்சிகள் செய்யும் சாகசங்கள் நம்மை ஆச்சர்யப்பட வைக்கின்றன. இந்த சிறிய வயதில் இத்தனை திறமையா என வாயடைக்க வைத்து விடுகிறாள் அந்த சிறுமி.
5-years old.
— Rex Chapman🏇🏼 (@RexChapman) October 25, 2020
Unreal... pic.twitter.com/JfWjBnJ0KV
அவள் டிரம்ஸ் வாசிப்பதை பார்க்கும் போது நம்மூர் டிரம்ஸ் சிவமணிக்கே டஃப் கொடுப்பாலோ என தோன்றுகிறது. பெயர் தெரியாத அந்த சிறுமிக்கு, உலகம் முழுவதும் இருந்து வாழ்த்து மழை கொட்டிக்கொண்டிருக்கிறது. நிச்சயம் அந்தச் சிறுமி எதிர்காலத்தில் மிகப்பெரிய டிரம்ஸ் கலைஞராக வருவாள் என்பதில் சந்தேகமேயில்லை.