பெரம்பலூர் அப்டேட்டுகளுக்கு
நோட்டிபிகேஷனை அனுமதி  
Oneindia App Download

உதயசூரியனுக்கு வாக்களியுங்கள்.. சீமான் பேசும்போதே ஒலித்த குரல்.. என்ன ரியாக்சன் தெரியுமா? - வீடியோ

தேர்தல் பிரச்சாரத்தில் நாம் தமிழர் ஒருங்கிணைப்பாளர் சீமான் பேசிக்கொண்டிருக்கும் போது "உதயசூரியனுக்கு வாக்களியுங்கள்'' என்று ஸ்பீக்கரில் ஒலித்ததால் பெரிய பரபரப்பு ஏற்பட்டது.

Google Oneindia Tamil News

Recommended Video

    சீமான் பேசும்போதே ஒலித்த உதய சூரியனுக்கான குரல்-வீடியோ

    பெரம்பலூர்: தேர்தல் பிரச்சாரத்தில் நாம் தமிழர் ஒருங்கிணைப்பாளர் சீமான் பேசிக்கொண்டிருக்கும் போது "உதயசூரியனுக்கு வாக்களியுங்கள்'' என்று ஸ்பீக்கரில் ஒலித்ததால் பெரிய பரபரப்பு ஏற்பட்டது.

    லோக்சபா தேர்தலுக்காக நாம் தமிழர் கட்சி தீவிரமாக பிரச்சாரம் செய்து வருகிறது. ஒற்றை நபராக நாம் தமிழர் ஒருங்கிணைப்பாளர் சீமான் தமிழகம் முழுக்க பிரச்சாரம் செய்து வருகிறார்.

    Seeman speech on DMK party symbol becomes viral - video

    லோக்சபா தேர்தலில் நாம் தமிழர் கட்சி போட்டியிடுகிறது. அதேபோல் நாம் தமிழர் கட்சி 18 தொகுதி சட்டமன்ற இடைத் தேர்தலில் தனித்து போட்டியிட உள்ளது. நாம் தமிழர் கட்சிக்கு கரும்பு விவசாயி சின்னம் ஒதுக்கப்பட்டு இருக்கிறது.

    இந்த நிலையில் பெரம்பலூரில் நடந்த பொதுக்கூட்டத்தில் சீமான் பேசினார். அனைத்து கட்சிகளையும் தாக்கி பேசிய அவர், மிக கோபமாக விமர்சனங்களை வைத்தார். முக்கியமாக திராவிட கட்சிகளை அவர் கடுமையாக விமர்சனம் செய்தார்.

    "சோட்டா சோட்டா நஹி.. படா படா" பைத்தியக்காரங்ககிட்ட நாட்டை குடுத்துட்டு நாம படற பாடு இருக்கே.. சீமான்

    பெரம்பலூரில் சீமான் பிரச்சாரம் செய்த போதே அருகில் திமுக சார்பாக சிறிய பிரச்சார கூட்டம் நடந்து கொண்டு இருந்தது. இதனால் திமுகவின் பிரச்சார வாகனம் ஒன்று அந்த பகுதியில் சுற்றிக்கொண்டு இருந்தது. அதில் ரெக்கார்ட் செய்யப்பட்ட வாய்ஸ் பேசிக்கொண்டே இருந்தது.

    சரியாக சீமான் பேசும்போதே அந்த ரெக்கார்ட் செய்யப்பட்ட வாய்ஸ் ''உதயசூரியனுக்கு வாக்களியுங்கள்'' என்று கூறியது. இது சீமான் பேசுவதற்கு தடங்கலாக இருந்தது. இதனால் சீமான் உடனே பேச்சை நிறுத்தினார்.

    ஆனால் சீமான் கொஞ்சமும் கோபம் அடையாமல் கூலாக, சூரியனுக்கு ஓட்டு போடுங்க, உலகம் இருட்டாகிடும்.. அவங்க பிரைட் ஆகிடுவாங்க.. இன்னும் இந்த உதயசூரியன் இப்படிதான் பேசுறாங்க.. அவங்க வெளிச்சத்தில் வாழுறாங்க, நாம்தான் பொசுங்கி போறோம்... ஹாஹாஹா.. இன்னும் சொல்றாங்க .. உதய சூரியன் ஏழைகளின் சின்னம்ன்னு.. என்ன ஒரு பித்தலாட்டம்'' என்று கிண்டலாக குறிப்பிட்டுள்ளார்.

    அவரின் இந்த ரைமிங்கான பதிலடிக்கு நாம் தமிழர் தொண்டர்கள் கைதட்டி உற்சாகப்படுத்தினார்கள். இந்த வீடியோ தற்போது இணையத்தில் வைரலாகி உள்ளது.

    English summary
    Naam Tamilar Party Seeman speech on DMK party symbol becomes viral - Video.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X