புதுச்சேரிக்கு போலாமா.. 5 லிட்டர் கேன் பீர் அறிமுகம்.. களை கட்டும் புத்தாண்டு!
புதுச்சேரி புத்தாண்டை வரவேற்பதற்காக புதுச்சேரியில் 5 லிட்டர் கேன் பீர் அறிமுகம் செய்யப்பட்டுள்ளது. இதனால் மதுப்பிரியர்கள் உற்சாகமடைந்துள்ளனர்.
மற்ற மாநிலங்களை ஒப்பிடும்போது புதுச்சேரியில் மது விலை குறைவு என்பதாலும், பல்வேறு வகையான மதுபானங்களை ருசித்து பார்ப்பதற்காகவும் தமிழகம், கர்நாடகா, ஆந்திரா, கேரளா உள்ளிட்ட அண்டை மாநிலத்தை சேர்ந்த ஆயிரகணக்கானோர் நாள்தோறும் புதுச்சேரிக்கு வந்து செல்கின்றனர்.
இதனால் புதுச்சேரியை குட்டி கோவா என்றும் அழைக்கின்றனர். மதுப்பிரியர்களின் சொர்க்க பூமியாக திகழ்ந்து வரும் புதுச்சேரியில் ஆண்டுதோறும் புத்தாண்டை வரவேற்கும் விதமாக, புது வகையான மது வகைகள் அறிமுகம் செய்வது வழக்கம். அந்த வகையில் இந்தாண்டு புத்தாண்டை வரவேற்கும் விதமாக காஷ்மீரிலிருந்து 5 லிட்டர் கேன் பீர் அறிமுகப்படுத்தப்பட்டுள்ளது.
தற்போது விற்பனைக்கு வந்துள்ள 5 லிட்டர் கேன் பீர் லெகர், ஸ்டிராங்க் ஆகிய ரகங்களின் அறிமுகம் செய்யப்பட்டுள்ளது. இதில் லெகர் ரூபாய் 1,850 க்கும் ஸ்டிராங்க் பீர் ரூபாய் 1,950 விற்பனை செய்யப்பட்டு வருகிறது. மேலும் 5 லிட்டர் பீரின் கடைசி சொட்டு வரை அதனுடைய தரம், சுவை இருக்குமென விற்பனையாளர்கள் தெரிவிக்கின்றனர்.
அதோடு இதனுடன் கார்பன்- டை- ஆக்சைடு சிலிண்டர் இணைக்கப்பட்டுள்ளதால், எப்போதும் பிரஷாக பீர் கிடைக்கும். ஒருமுறை கேனை திறந்துவிட்டாலும், தொடர்ந்து கேஸ் பீருடன் கலக்கும் வகையில் வடிவமைக்கப்பட்டுள்ளதால், தொடர்ந்து 25 நாட்களுக்கு இதனை பிரிட்ஜில் வைத்து பயன்படுத்த முடியும்.
புதுச்சேரியில் கிறிஸ்துமஸ் மற்றும் புத்தாண்டை வரவேற்பதற்காக நட்சத்திர விடுதிகளும், ரிசார்ட்டுகளும் முழு வீச்சில் தயாராகி வரும் நிலையில், புதிதாக அறிமுகப்படுத்தப்பட்டுள்ள 5 லிட்டர் கேன் பீரால் இந்தாண்டு மேலும் வருவாய் பெருகுமென மதுபானக் கடை உரிமையாளர் தெரிவித்துள்ளனர்.
Crime stories 2019: உள்ளே ஒன்னு வெச்சிருக்கேன்.. அலற வைத்த ஜோலி.. மிரண்டு போன கேரளா