தமிழகத்தில் குழந்தை இறப்பு சதவீதம் குறைவு... அமைச்சர் விஜயபாஸ்கர் பேச்சு
புதுக்கோட்டை: இந்தியாவிலேயே தமிழகத்தில் தான் குழந்தைகள் இறப்பு விகிதம் மிகவும் குறைவு என்று தமிழக சுகாதாரத்துறை அமைச்சர் விஜயபாஸ்கர் தெரிவித்துள்ளார்.
புதுக்கோட்டை அரசு மருத்துவக்கல்லூரி மருத்துவமனையில், 5 வயதுக்குட்பட்ட குழந்தைகளுக்கான வயிற்றுப்போக்கு சிறப்பு சிகிச்சை முகாமை சுகாதாரத்துறை அமைச்சர் விஜயபாஸ்கர் தொடங்கி வைத்தார்.
பின்னர் செய்தியாளர்களிடம் பேசிய அவர், வயிற்றுப்போக்கினால் 13% இறப்பு ஏற்படுகிறது, இதனை தடுப்பதற்காக அனைத்து அரசு மருத்துவமனைகள், ஆரம்ப சுகாதார நிலையங்களிலும் இன்று முதல் 2 வாரங்களுக்கு தமிழக அரசு சார்பில் வயிற்றுப்போக்கு சிறப்பு சிகிச்சை முகாம் நடைபெறும் எனவும் தெரிவித்தார்.
தேசிய அளவில் தமிழகத்தில் தான் குழந்தைகள் இறப்பு சதவீதம் குறைவாக இருப்பதாகவும், இதனை மேலும் குறைப்பதற்கான முயற்சிகளில் அரசு தீவிரம் காட்டி வருவதாகவும் அமைச்சர் விஜயபாஸ்கர் கூறினார்.
நிலா அப்பாவை நெருங்கிட்டா... நீலாம்பரிக்கு பயம் வருதே...!
முன்னதாக, புதுக்கோட்டை வடசேரிப்பட்டியில் பிடாரி அம்மன் கோவில் திருவிழாவை முன்னிட்டு ஜல்லிக்கட்டு போட்டியை அமைச்சர் விஜயபாஸ்கர் தொடங்கி வைத்தார். போட்டியில் 600 காளைகள், 250 மாடுபிடி வீரர்கள் பங்கேற்றுள்ளனர்.