• search
புதுச்சேரி அப்டேட்டுகளுக்கு
நோட்டிபிகேஷனை அனுமதி  
Just In

புதுவை க்ளைமாக்ஸ் ஓவர்... சபாநாயகர் பிளஸ் 2 அமைச்சர்கள் பதவி.. பாஜக நெருக்கடிக்கு பணிந்தார் ரங்கசாமி

Google Oneindia Tamil News

புதுச்சேரி: புதுச்சேரியில் நீடித்து வந்த அரசியல் குழப்பங்கள் முடிவுக்கு வந்துள்ளன. பாஜகவின் நெருக்கடியை ஏற்று அக்கட்சிக்கு சபாநாயகர் பதவி மற்றும் 2 அமைச்சர்கள் பதவி வழங்க முதல்வர் ரங்கசாமி ஒப்புக் கொண்டுள்ளார் என்கின்றன தகவல்கள். இதனையடுத்து வரும் 10-ந் தேதி புதுச்சேரியில் புதிய அமைச்சரவை பதவியேற்க கூடும் என கூறப்படுகிறது.

புதுச்சேரி சட்டசபை தேர்தலில் என்.ஆர். காங்கிரஸ்- பாஜக கூட்டணி வெற்றி பெற்றது. கடந்த மாதம் 7-ந் தேதியே முதல்வராக என்.ஆர். காங்கிரஸ் தலைவர் ரங்கசாமி பதவியேற்றார்.

புதுச்சேரி: பாஜகவுக்கு 2 அமைச்சர்கள் மட்டும்தான்.. அதுக்கு மேல எதுவும் கிடைக்காது. ரங்கசாமி கறார்! புதுச்சேரி: பாஜகவுக்கு 2 அமைச்சர்கள் மட்டும்தான்.. அதுக்கு மேல எதுவும் கிடைக்காது. ரங்கசாமி கறார்!

துணை முதல்வர் கேட்ட பாஜக

துணை முதல்வர் கேட்ட பாஜக

இதன்பின்னர் சில நாட்களிலேயே ரங்கசாமிக்கு கொரோனா பாதிப்பு இருந்தது. இதனால் மருத்துவமனையில் சிகிச்சை பெற்றார். இந்த நிலையில் புதுச்சேரியில் துணை முதல்வர் மற்றும் 3 அமைச்சர்கள் பதவியை பாஜக கேட்டது. இதனை என்.ஆர். காங்கிரஸ் ஏற்க மறுத்தது.

என்.ஆர்.காங்- பாஜக பேச்சு முறிவு

என்.ஆர்.காங்- பாஜக பேச்சு முறிவு

இதையடுத்து சபாநாயகர் பதவி மற்றும் 2 அமைச்சர் பதவியை பாஜக கேட்டது. 2 அமைச்சர்கள் பதவி மட்டும்தான் தருவோம்; சபாநாயகர் பதவி எங்களுக்குதான் எனவும் என்.ஆர். காங்கிரஸ் அடம்பிடித்தது. இதனால் என்.ஆர். காங்கிரஸுடனான பேச்சுவார்த்தைகளை பாஜக நிறுத்த உத்தரவிட்டிருந்தது.

ரங்கசாமி திடீர் ஒப்புதல்

ரங்கசாமி திடீர் ஒப்புதல்

என்.ஆர். காங்கிரஸ்- பாஜக இடையேயான இந்த மோதலால் புதுச்சேரியில் புதிய அமைச்சரவை பங்கேற்பதில் இழுபறி நீடித்தது. இந்நிலையில் பாஜகவின் நெருக்கடிக்கு பணிந்து சபாநாயகர் மற்றும் 2 அமைச்சர்கள் பதவியை தருவதற்கு முதல்வர் ரங்கசாமி ஒப்புக் கொண்டுள்ளதாக செய்திகள் தெரிவிக்கின்றன.

ஜூன் 10-ல் அமைச்சரவை பதவியேற்பு?

ஜூன் 10-ல் அமைச்சரவை பதவியேற்பு?

இதனால் புதுச்சேரியில் நீடித்து வந்த குழப்பம் முடிவுக்கு வர உள்ளது. மேலும் வரும் 10-ந் தேதி புதுச்சேரியில் முதல்வர் ரங்கசாமியின் அமைச்சரவை பதவியேற்க உள்ளது. இருப்பினும் சபாநாயகர் பதவி, பாஜகவுக்கு போவதால் ரங்கசாமி அரசுக்கு தலைக்கு மேல் கத்தி தொங்குகிறது என்கின்றனர் மூத்த பத்திரிகையாளர்கள்.

English summary
Finaly BJP will get Speaker Post in Puducherry and new Cabinet will be sworn on June 10.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X