ஆஹான்.. யாரு இவரு.. நம்ம புதுவை முதல்வர் நாராயணசாமியா இது.. அப்படியே சும்மா கும்முனு இருக்காரே!
புதுவை: பேஸ் ஆப் மூலம் மாற்றம் செய்யப்பட்ட முதலமைச்சர் நாராயணசாமியின் இளம் வயது புகைப்படம் சமூக வலைதளங்களில் வைரலாகி வருகிறது.
உலகமே வலைதளத்தில் மூழ்கியுள்ள இந்த காலகட்டத்தில் பலவித செயலிகள் நாள் தோறும் வந்தவண்ணம் உள்ளன. விளையாட்டு, நகைச்சுவை, ஏன் நண்பர்களாக கூட இந்த செயலிகள் உள்ளன.
இந்த செயலிகள் மூலம் முன்பிறவியில் என்னவாக பிறந்தார்கள், குணநலன், வாழ்க்கை துணை, காதல், எதிரிகள், பிடித்த விஷயம் உள்ளிட்ட அனைத்தும் பயனர்கள் தெரிந்து கொள்கின்றனர். இதனை அப்படியே தங்களது முகநூல், வாட்ஸ் அப் உள்ளிட்ட சமூக வலைதளங்களில் பகிர்ந்து மற்றவர்கள் பார்க்கும்படி செய்கின்றனர்.
இதில் மயக்கம் கொண்ட தனி கூட்டமே உள்ளது. அப்படி சமீப காலமாக வலம் வரும் ஒரு செயலிதான் பேஸ் அப். இதன் மூலம் பயனர் தங்கள் புகைப்படத்தை பதிவிட்டு, சிறுவயதில் எப்படி இருந்தார்கள், வயதானவுடன் எப்படி இருந்தார்கள் என்பதனை அறிந்துகொண்டு அதனை முகநூல் உள்ளிட்டவற்றில் பதிவிட்டு வருகின்றனர்.
இதற்கு தனி ரசிகர்கள் கூட்டம் உருவாகி உள்ளது. தங்களது புகைப்படங்களை மட்டும் போட்டு ரசிப்பதோடு மட்டும் அல்லாமல் தங்களுக்கு பிடித்த தலைவர்களின் புகைப்படங்களையும் இந்த செயலியில் பதிவிட்டு வருகின்றனர்.
அதன்படி முதலமைச்சர் நாராயணசாமியின் புகைப்படத்தை பேஸ் ஆப் பில் பதிவிட்டு அவரது இளவயது புகைப்படத்தை இணையதளங்களில் உலவ விட்டுள்ளனர். இந்த புகைப்படம் தற்போது வைரலாகி வருகிறது.