சேலம் அருகே விபத்தில் சிக்கிய அதிமுக எம்பி.. லேசான காயத்துடன் மருத்துவமனையில் அனுமதி
Recommended Video
சேலம்: சேலம் அருகே கள்ளக்குறிச்சி அதிமுக எம்பி காமராஜ் விபத்தில் சிக்கியதை அடுத்து அவர் லேசான காயங்களுடன் மருத்துவமனையில் அனுமதிக்கப்பட்டார்.
கள்ளக்குறிச்சி தொகுதி எம்பியாக உள்ளவர் காமராஜ். இவர் சேலம் மாவட்டம் , அயோத்தியாபட்டினம் அருகே காரில் சென்று கொண்டிருந்தார்.
அப்போது மின்னாம்பள்ளி அருகே எம்பி சென்ற காரின் டயர் வெடித்து கார் கவிழ்ந்தது. இதில் அதிமுக எம்பி காமராஜுக்கு லேசான காயம் அடைந்தார்.
இதையடுத்து அவர் மருத்துவமனையில் அனுமதிக்கப்பட்டுள்ளார். திண்டிவனம் அருகே தைலாபுரத்தில் பாமக நிறுவனர் ராமதாஸின் வீட்டில் ஏற்பாடு செய்யப்பட்டிருந்த விருந்து நிகழ்ச்சியில் கலந்து கொண்ட விழுப்புரம் அதிமுக எம்பி ராஜேந்திரன், நிகழ்ச்சி முடிந்து திரும்பும் போது அவரது கார் தடுப்புச் சுவரில் மோதி விபத்துக்குள்ளானது.
இதில் அவர் நேற்று உயிரிழந்தார். அடுத்தடுத்து அதிமுக நிர்வாகிகள் விபத்தில் சிக்குவதால் கட்சியினர் வேதனையில் உள்ளனர்.