அதிமுக முதல்வர் வேட்பாளரை ஏற்க தயார்...பாஜக அறிவிப்பு

Updated: Tuesday, February 2, 2021, 20:14 [IST]

சேலம் : தமிழக சட்டசபை தேர்தலில் அதிமுக முதல்வர் வேட்பாளரை ஏற்க தயாராக உள்ளதாக தமிழக பாஜக தலைவர் எல்.முருகன் தெரிவித்துள்ளார்.

பாஜக இளைஞர் அணியினருடன் தேர்தல் தொடர்பான ஆலோசனை பிப்ரவரி 21 ம் தேதி நடைபெற உள்ளது. இதற்கான ஏற்பாடுகளை கவனிப்பதற்காக பாஜக தலைவர் முருகன் இன்று சேலம் வந்தார்.

We will accept AIADMKs CM candidate, BJP state president L .Murugan says

அப்போது செய்தியாளர்களிடம் பேசிய பாஜக மாநில தலைவர் முருகன் கூறுகையில், தமிழகத்தை பொறுத்தவரை அதிமுக மிகப் பெரிய கட்சிகளில் ஒன்று. அவர்கள் ஏற்கனவே தங்கள் முதல்வர் வேட்பாளரை அறிவித்து விட்டனர். தற்போதைய முதல்வர் எடப்பாடி பழனிசாமியை அவர் முதல்வர் வேட்பாளராக தேர்வு செய்துள்ளனர்.

பாஜக - அதிமுக கூட்டணி மிகவும் பலமாக உள்ளது. ஆனால் திமுக - காங்கிரஸ் வலிமையானது அல்ல. சட்டசபை தேர்தலுக்கு முன் அந்த கூட்டணி எந்த நேரத்திலும் உடையும்.

மத்திய பட்ஜெட் லாலிபப் என திமுக தலைவர் ஸ்டாலின் விமர்சித்துள்ளார். லாலிபப் இனிப்பான ஒன்று. அப்படியானால் மத்திய பட்ஜெட் இனிப்பானதாக உள்ளதாக திமுக தலைவரே ஒப்புக் கொண்டுள்ளார் என்றார்.