ஒரு பக்கம் ஜோசப் விஜய்.. இன்னொரு பக்கம் ஸ்டாலின்.. அட நம்ம எச்.ராஜா டீ குடிக்க போனது ஒரு தப்பா?
தேர்தல் பிரச்சாரத்தின் போது பாஜக வேட்பாளர் எச்.ராஜா டீ குடித்த புகைப்படம் ஒன்று முக்கிய காரணத்திற்காக பெரிய அளவில் வைரலாகி இருக்கிறது.
Recommended Video
சிவகங்கை: தேர்தல் பிரச்சாரத்தின் போது பாஜக வேட்பாளர் எச்.ராஜா டீ குடித்த புகைப்படம் ஒன்று முக்கிய காரணத்திற்காக பெரிய அளவில் வைரலாகி இருக்கிறது.
பாஜக வேட்பாளர் தேசிய செயலாளர் எச்.ராஜா தற்போது சிவகங்கையில் தீவிரமாக பிரச்சாரம் செய்து வருகிறார். லோக்சபா தேர்தலில் சிவகங்கையில் அதிமுக கூட்டணி சார்பாக பாஜக வேட்பாளர் தேசிய செயலாளர் எச்.ராஜா போட்டியிடுகிறார்.
காங்கிரஸ் - திமுகவிற்கு எதிராக இவர் கடுமையாக பிரச்சாரம் செய்து வருகிறார். இந்த நிலையில்தான் எச்.ராஜா புகைப்படம் ஒன்று இணையம் முழுக்க டிரெண்ட் அடித்துள்ளது.
டீ குடிக்கும் பழக்கம்
தேர்தல் பிரச்சாரங்களில் தற்போது வேட்பாளர்கள் டீ குடிப்பது வழக்கமாகி இருக்கிறது. திமுக, அதிமுக, பாஜக என்று எல்லா கட்சிகளை சேர்ந்த வேட்பாளர்களும் சாலை ஓரத்தில் இருக்கும் டீ கடைகளில் டீ குடிக்கும் புகைப்படங்கள் வெளியாகி வருகிறது. பெரிய தலைவர்கள் கூட இப்படி சாலை ஓரம் டீ குடித்து வருகிறார்கள்.
எச்.ராஜா
ஆனால் இதெல்லாம் பெரிய அளவில் சிக்கலுக்கு உள்ளாக்கவில்லை. பெரிய அளவில் வைரலாகவில்லை. மாறாக பாஜக வேட்பாளர் எச்.ராஜா டீ குடித்த புகைப்படம் மட்டும் இணையம் முழுக்க வைரலாகி உள்ளது. அந்த புகைப்படத்தில் இருக்கும் இரண்டு முக்கிய விஷயங்களுக்காக இது வைரலாகி உள்ளது.
சீமான்.. இன்னும் இறங்கி அடிக்க.. கொஞ்சம் இறங்கி வந்தால் போதும்.. வருவாரா
இப்படியா
எச்.ராஜா சிவகங்கையில் டீ குடிக்கும் புகைப்படத்தில், பின் பக்கம் நடிகர் விஜய் புகைப்படம் இருக்கிறது. அதோடு திமுக தலைவர் ஸ்டாலினின் புகைப்படமும் இருக்கிறது. அந்த கடையை நடத்தும் நபரே திமுகவை சேர்ந்த விஜய் ரசிகர் என்றும் கூறப்படுகிறது.
வரலாறு
நடிகர் விஜயை ஜோசப் விஜய் என்று கூறி பிரச்சனை செய்தவர்தான் எச்.ராஜா. கடைசியில் அவரின் ரசிகரின் கடையிலேயே டீ குடிக்கிறாரே எச்.ராஜா என்று விஜய் ரசிகர்கள் இன்று முழுக்க கிண்டல் செய்து வருகிறார்கள். திமுகவினரும் எச். ராஜாவை காலையில் இருந்து இதை வைத்து கலாய்த்து வருகிறார்கள்.