டோணி குஷி
சென்னை சூப்பர் கிங்ஸ் மீண்டும் வருவதை ரசிகர்கள் இப்போதே கொண்டாட ஆரம்பித்து விட்டனர். ரசிகர்களின் உற்சாகத்தில் தற்போது டோணியும் பங்கெடுத்துள்ளார். அதை ஒரு புகைப்படம் மூலமாக அவர் வெளிப்படுத்தியுள்ளார்.
|
"தல" ஜெர்சி
மஞ்சள் நிற ஜெர்சியில் டோணி காட்சி தருகிறார். அவரது ஜெர்சியின் பின்னால் தல என்று ஆங்கிலத்தில் எழுதப்பட்டுள்ளது. அவரது ஜெர்சி எண் 7ம் அதில் பொறிக்கப்பட்டுள்ளது. மஞ்சள் நிறம் சென்னை சூப்பர் கிங்ஸ் அணி ஜெர்சியின் நிறம், தல என்பது டோணியை சென்னை சூப்பர் கிங்ஸ் ரசிகர்கள் செல்லமாக அழைக்கும் சொல். இந்தப் புகைப்படத்தை டோணி தனது இன்ஸ்டாகிராமில் போட்டுள்ளார்.
செம டீம்
ஐபிஎல் அணிகளிலேயே சக்தி வாய்ந்த அணியாக திகழ்ந்தது சென்னை தான். 2 முறை கோப்பையை வென்றுள்ளது. 4 முறை 2வது இடத்தைப் பிடித்துள்ளது. சாம்பியன்ஸ் லீக்கையும் 2 முறை வென்றுள்ளது.
மீண்டும் ராஜபாட்டை
மீண்டும் திரும்பி வரும் சென்னை சூப்பர் கிங்ஸ் பழையபடி வெற்றிகளைக் குவிக்குமா என்பது எதிர்பார்ப்பை ஏற்படுத்தியுள்ளது. ரசிகர்களும் டோணி அன் கோவின் அதிரடி ஆட்டத்தைக் கண்டு களிக்க காத்திருக்கின்றனர்.