உலக ஹாக்கி அரையிறுதி போட்டி... கனடாவிடம் தோல்வி - 6வது இடத்தில் இந்தியா!

லண்டன்: உலக ஹாக்கி அரை இறுதி போட்டியில் 5 மற்றும் 6-ஆவது இடத்திற்கான பிளே ஆப் சுற்றில் கனடாவிடம் இந்தியா தோல்வி அடைந்தது.

உலக ஹாக்கி அரை இறுதி போட்டியில் 5 முதல் 8 இடங்களுக்கான பிளே ஆப் போட்டி லண்டனில் நடைபெற்றது. இதில் நேற்று இந்திய அணியும், பாகிஸ்தானும் மோதின. இதில் இந்தியா 6-1 என்ற கோல் கணக்கில் பாகிஸ்தானை வெற்றி கண்டது.

இந்நிலையில் இந்தியாவும், கனடாவும் 5 மற்றும் 6-ஆவது இடங்களுக்கான போட்டியில் இன்று மோதின. இதில் 2-3 என்ற கோல் கணக்கில் கனடாவிடம் இந்தியா தோல்வி அடைந்தது.

ஹர்மன்ப்ரீத் சிங் 22-ஆவது நிமிடத்தில் இந்தியாவை முன்னேற்ற பாதைக்கு கொண்டு சென்றார்.ஆனால் அதைத் தொடர்ந்து வெற்றி பெறுவதற்கான சந்தர்ப்பங்களை இந்தியா நழுவ விட்டது. இரண்டாவது பாதியில் கனடா சிறப்பாக விளையாடியது.

கனடாவின் கீகன் பெரீரா 39-ஆவது நிமிடத்தில் இந்தியாவுடன் சம கோல்களை அடித்தார். அதைத் தொடர்ந்து கார்டன் ஜான்ஸ்டன் 3-ஆவது கோலை போட்டு வெற்றி கண்டார். இதனால் இந்தியாவுக்கும், கனடாவுக்குமான 5,6 இடத்துக்கான பிளே ஆப் போட்டியில் கனடா 5-ஆவது இடத்துக்கு சென்றது.