புரோ கபடி: பெங்காலை தோற்கடித்தது பெங்களூரு புல்ஸ்

Posted By:
Subscribe to Oneindia Tamil

நாக்பூர் : 5-ஆவது சீசன் புரோ கபடி லீக் போட்டியின் 20-வது ஆட்டத்தில் பெங்களூரு புல்ஸ் அணி 31-25 என்ற புள்ளிகள் கணக்கில் பெங்கால் வாரியர்ஸ் அணியைத் தோற்கடித்து மூன்றாவது வெற்றியைப் பெற்றுள்ளது.

இதுவரை 6 ஆட்டங்களில் விளையாடி 3-ம் வெற்றியைப் பெற்றுள்ள பெங்களூரு அணி 19 புள்ளிகளுடன் பி - பிரிவில் முதலிடத்தைப் பிடித்துள்ளது. அதேநேரத்தில் 3 ஆட்டங்களில் மட்டுமே விளையாடியிருக்கும் பெங்கால் அணிக்கு இது முதல் தோல்வியாகும். அந்த அணி 11 புள்ளிகளுடன் 4-ம் இடத்தில் உள்ளது.

 Pro Kabaddi League 2017: Bengaluru Bulls Register Comfortable Win Over Bengal Warriors

நாக்பூரில் புதன்கிழமை நடைபெற்ற இந்த ஆட்டத்தின் முதல் நிமிடத்தில் பெங்களூரு கேப்டன் ரோஹித் குமார் முதல் புள்ளியைக் கைப்பற்ற, பெங்கால் வாரியர்ஸ் அணி முதல் புள்ளியைப் பெறுவதற்கு 3-ம் நிமிடம் வரை காத்திருந்தது. அந்த அணியின் மணீந்தர் சிங் முதல் புள்ளியைப் பெற்றுத் தந்தார்.

28-ம் நிமிடத்தில் பெங்களூரு வீரர் அஜய் குமார் சூப்பர் ரைடின் மூலம் 4 புள்ளிகளைப் பெற, அதுவே திருப்புமுனையாக அமைந்தது. இதனால் பெங்களூரு அணி 20-14 என்ற புள்ளிகள் கணக்கில் முன்னிலை பெற்றது. 30-ஆவது நிமிடத்தில் பெங்கால் அணியை ஆல்அவுட்டாக்கிய பெங்களூரு அணி 24-18 என்ற கணக்கில் முன்னிலை பெற்றது.

கடைசிக் கட்டத்தில் பெங்கால் அணி போராடினாலும், புள்ளிகள் வித்தியாசத்தை குறைக்க முடிந்ததேயொழிய தோல்வியிலிருந்து தப்ப முடியவில்லை. இறுதியில் பெங்களூரு வாரியர்ஸ் அணி 31-25 என்ற புள்ளிகள் கணக்கில் வெற்றி கண்டது.

Pro Kabaddi 2017,Tamil Thalaivas vs Bengaluru Bulls Match Preview-oneindia Tamil

இன்று நாக்பூரில் நடக்கும் ஆட்டத்தில், இரவு 8 மணிக்கு புணேரி பால்டான்-ஜெய்ப்பூர் பிங்க் பாந்தர்ஸ் அணிகள் மோதுகின்றன. அதே போல இரவு 9 மணிக்கு நடக்கும் ஆட்டத்தில், தமிழ் தலைவாஸ்-பெங்களூரு புல்ஸ் அணிகள் மோதுகின்றன.

வாழ்க்கைத் துணையை தேடுகிறீர்களா? தமிழ் மேட்ரிமோனியில் - பதிவு இலவசம்!

English summary
Bengaluru Bulls defeated beat Bengal Warriors Pro Kabaddi League Season 5, at Nagpur.
Please Wait while comments are loading...