98 வயது கேர்ள் பிரெண்டை மனைவிக்கு அறிமுகம் செய்து வைத்த இளவரசர் ஹாரி!
சிட்னியில் தனது 98 வயது தோழியை மனைவிக்கு அறிமுகம் செய்துவைத்தார் இளவரசர் ஹாரி.
Recommended Video
சிட்னி: ஆஸ்திரேலியா சென்றுள்ள இளவரசர் ஹாரி, அங்கு தனது 98 வயது தோழியை மனைவி மேகன் மார்கலுக்கு அறிமுகம் செய்து வைத்தார்.
இங்கிலாந்து இளவரசர் சார்லஸ் - டயானா தம்பதியின் இரண்டாவது மகனான ஹாரிக்கும், அமெரிக்க நடிகை மேகன் மார்கலுக்கும் சமீபத்தில் திருமணம் நடைபெற்றது. தற்போது மேகன் கர்ப்பமாக இருக்கிறார்.
இந்நிலையில் இளவரசர் ஹாரி தனது மனைவி மேகன் மார்கலுடன் ஆஸ்திரேலியா சென்றார். அங்கு பல்வேறு நிகழ்ச்சிகளில் கலந்து கொண்ட அவர், தனது 98 வயது தோழி டாப்னே துனே என்பவரை சிட்னியில் உள்ள ஓபரே இல்லத்தில் சந்தித்தார்.
அப்போது தனது மனைவிக்கு டாப்னேயை அவர் அறிமுகம் செய்து வைத்தார். மேகனைக் கட்டித் தழுவி தனது அன்பை வெளிப்படுத்தினார் டாப்னே. மேலும், மேகன் தற்போது கர்ப்பமாக இருப்பதால் தனது ஆசிகளையும், வாழ்த்துக்களையும் தெரிவித்தார்.
பின்னர் டாப்னேக்கு முத்தம் கொடுத்து ஹாரியும், மேகனும் தங்களது அன்பை வெளிப்படுத்தினர்.
இளவரசர் ஹாரி கடந்த 2015 மற்றும் 2017-ம் ஆண்டுகளில் ஆஸ்திரேலியா சென்றிருந்தபோது, டாப்னேவின் அறிமுகம் அவருக்கு கிடைத்தது. அப்போது முதல் டாப்னேவும், ஹாரியும் நண்பர்களாக இருந்து வருகின்றனர் என்பது குறிப்பிடத்தக்கது.