நாம காட்டுக்குள்ள இருக்கோம்.. நிறைய டைனசோர் பார்க்கப் போறோம் வாங்க போலாம்..!
சென்னை: ஆஹா.. இந்த வயதில் இப்படி ஒரு "அட்வென்ச்சரர்" இந்த குட்டிக்குள் இருப்பது வியக்க வைக்கிறது. அந்த எனர்ஜியைப் பாருங்க, சொல்லும் விதத்தைப் பாருங்க.. வாவ்!.
கோவையைச் சேர்ந்தவர் எம்.காளிதாஸ். நமது நீண்ட கால வாசகர். கடந்த 7 வருடங்களாக தனது குடும்பத்தினருடன் மஸ்கட்டில் பணி நிமித்தமாக வசித்து வருகிறார்.
சமீபத்தில் தனது குடும்பத்தினருடன் சலாலா என்ற மலைவாசஸ்தலத்திற்கு சுற்றுப்பயணம் மேற்கொண்டிருந்தார். அப்போது அங்குள்ள இயற்கை எழில் கொஞ்சும் பகுதிகளில் தனது 4 வயது மகன் ஆர்யா விகாஷ் ஒவ்வொன்றையும் அறிமுகப்படுத்தி பேசியதைப் பார்த்து வியந்து அதை வீடியோவில் படம் பிடித்துள்ளார்.
வன விலங்குகளின் வாழ்க்கை, அதுதொடர்பான டிவி நிகழ்ச்சிகள் என்றால் விகாஷுக்கு உயிராம். குறிப்பாக Man Vs Wild நிகழ்ச்சியில் வருபவர் போல பேச வேண்டும் என்று ஆசையாம். அதை இந்த சலாலா பயணத்தின்போது செய்து காட்டியுள்ளார் விகாஷ்.
சும்மா சொல்லக் கூடாது... செம எனர்ஜியுடன், கை தேர்ந்த அட்வென்ச்சரர் போல விகாஷ் பேசியது ஆச்சரியமாக இருக்கிறது. 4 வயதிலேயே இந்தப் போடு போடுகிறார். விளையும் பயிர் முளையிலேயே தெரியும் என்பார்கள்.. இதோ இன்னொரு இயற்கை ஆர்வலர் பிறந்து விட்டார்.. உயரங்கள் பல தொட்டு வளர வாழ்த்துவோம் விகாஷை!