இலக்கணம் மாறுதோ இலக்கியம் ஆனதோ.. என்று பாடிய கமல் கட்சியின் பெயரில் பிழையா?
கமல்ஹாசன் கட்சிப் பெயரில் இலக்கண பிழை இருப்பதாக சர்ச்சை வெடித்துள்ளது.
Recommended Video
சென்னை: கமல்ஹாசனின் மக்கள் நீதி மய்யம் கட்சியின் பெயரை முன்வைத்து சமூக வலைதளங்களில் விவாதிக்கப்பட்டு வருகிறது.
நடிகர் கமல்ஹாசன் தமது கட்சியின் பெயர் 'மக்கள் நீதி மய்யம்' என நேற்று அறிவித்தார். தென்னிந்திய மாநிலங்களைக் குறிப்பிடும் வகையிலான கட்சி கொடியையும் கமல்ஹாசன் அறிமுகப்படுத்தினார்.
தற்போது கமல்ஹாசனின் 'மக்கள் நீதி மய்யம்' என்ற கட்சி பெயரை முன்வைத்து சமூக வலைதளங்களில் விவாதிக்கப்பட்டு வருகிறது. அதாவது பொதுவாக 'மையம்' என்றுதான் எழுதப்படுகிறது.
கமல்ஹாசன் தந்தை பெரியாரின் எழுத்து சீர்திருத்தப்படி 'மய்யம்' என எழுதியிருப்பது சரியா என்பதுதான் விவாதம். இலக்கண விதிப்படி மய்யம் என்பதை எப்படி எழுத வேண்டும் என ஒவ்வொருவரும் ஒரு விளக்கத்தை முன்வைத்து வருகின்றனர்.
தமிழ் இலக்கண நூல்களில் குறிப்பிடப்பட்டுள்ளவற்றை மேற்கோள்காட்டி படுசூடான விவாதம் நடந்து கொண்டிருக்கிறது.