காரைக்குடியில் தனியார் பேருந்தும் லாரியும் மோதி விபத்து - பெண் பலி: வீடியோ
தேவக்கோட்டையில் இருந்து மதுரை சென்ற தனியார் பேருந்தும் லாரியும் நேருக்கு நேர் மோதி விபத்துக்குள்ளானதில் ஒரு பெண் பலியானார். 20 பேர் படுகாயமடைந்தனர்.
மதுரை: மதுரை அருகே சாலையில் தனியார் பேருந்தும் லாரியும் நேருக்கு நேர் மோதிக்கொண்டதில் பெண் ஒருவர் பலியானார். 20க்கும் மேற்பட்டோர் பலத்த காயமடைந்தனர்.
தேவக்கோட்டியில் இருந்து மதுரைக்கு தனியார் பேருந்து ஒன்று பயணிகளுடன் அதிவேகமாக சென்றுள்ளது. அப்போது எதிர்புறத்தில் வேகமாக வந்த லாரி பேருந்தின் மீது மோதியது. அதில் பேருந்து நிலைகுலைந்து சாய்ந்து விபத்துக்குள்ளானது.
இந்த விபத்தில் பெண் ஒருவர் பலியானார். மேலும், 20 பயணிகள் படுகாயம் அடைந்தனர். அவர்களை மீட்டு, அரசு மருத்துவமனையில் சிகிச்சைக்காக அனுமதித்துள்ளனர். போலீசார் இதுகுறித்து வழக்குப் பதிவு செய்து விசாரணை செய்து வருகின்றனர்.
உள்ளூர் சாலைகளில் நடக்கும் விபத்துகளை விட தேசிய நெடுஞ்சாலைகளில் நடக்கும் விபத்துகளின் எண்ணிக்கை அதிகமாக உள்ளதால் இதுகுறித்து துறைசார் வல்லுநர்களிடம் விவாதித்து தடுப்பு நடவடிக்கைகளை மேற்கொள்ள வேண்டும் என பொதுமக்கள் கோரிக்கை விடுத்துள்ளனர்.