ஹார்வார்ட் பல்கலைக்கழக தமிழ் இருக்கைக்கு கமல்ஹாசன் ரூ. 20 லட்சம் நிதியுதவி
ஹார்வாா்ட் பல்கலைக்கழகத்தின் தமிழ் இருக்கைக்கு நடிகர் கமல்ஹாசன் ரூ.20 லட்சம் நிதியுதவி அளித்துள்ளார்.
Recommended Video
சென்னை : ஹார்வார்ட் பல்கலைக்கழகத்தில் தமிழ் இருக்கைக்கு நடிகர் கமல்ஹாசன் தனது பங்களிப்பாக ரூ.20 லட்சம் நிதியுதவி அளித்துள்ளார்.
உலகப் புகழ் பெற்ற பல்கலைக்கழகங்களுள் ஒன்றான ஹார்வர்ட் பல்கலைக்கழகம் அமெரிக்காவில் கேம்பிரிட்ஜ் நகரில் அமைந்துள்ளது. இந்த பல்கலைக்கழகத்தில் மூத்த மொழிகளில் முதன்மையானதாகக் கருதப்படும் தமிழுக்கென ஒரு இருக்கை அமைய வேண்டும் என அமெரிக்காவில் வாழும் தமிழர்கள் மற்றும் உலகத் தமிழர்கள் முயற்சி மேற்கொண்டனர்.
தமிழ் இருக்கைக்கென ரூ. 33 கோடி செலவாகும் என ஹார்வர்டு பல்கலைக் கழகம் கூறிவிட்டது. இதற்காக அரசியல் கட்சித் தலைவர்களும், சினிமா பிரபலங்களும் நிதியுதவி வழங்கி வருகின்றனர். தமிழக அரசும் இதற்காக ரூ.10 கோடி நிதியுதவி வழங்கியுள்ளது.
அதுபோல் சென்னையில் நடைபெற்ற நிகழ்ச்சியில் நடிகர் கமல்ஹாசன் கலந்து கொண்டார். அப்போது தமிழ் இருக்கையின் முக்கியத்துவம் குறித்து பேசிய அவர், ரூ.20 லட்சம் நிதியுதவி வழங்கினார். உடன் பேராசிரியர் கு.ஞானசம்பந்தன் இருந்தார்.