அரசியல் கட்சி.. அதிரடி சுற்றுப் பயணம்.. பிப். 21ல் புயலை கிளப்பும் கமல் பயண திட்டம் இதோ!
பிப்ரவரி 21ல் புதிய அரசியல் கட்சி தொடங்கும் நடிகர் கமல்ஹாசனின் பயண விவரம் வெளியிடப்பட்டுள்ளது.
Recommended Video
சென்னை : பிப்ரவரி 21ல் புதிய அரசியல் கட்சி தொடங்கும் நடிகர் கமல்ஹாசனின் பயண விவரம் வெளியிடப்பட்டுள்ளது. காலையில் முன்னாள் குடியரசுத் தலைவர் அப்துல்கலாம் வீட்டில் தொடங்கும் பயணம் மாலையில் மதுரை பொதுக்கூட்டத்துடன் முடிவு பெறுகிறது.
அரசியலில் தான் இருக்கிறேன் என்று சொன்ன நடிகர் கமல்ஹாசன் மக்கள் நலனுக்காக அரசியல் கட்சி தொடங்குவதாக அறிவித்தார். பிப்ரவரி 21ம் தேதி தனது கட்சியின் பெயர் மற்றும் கொடியை அறிமுகம் செய்து மதுரை பொதுக்கூட்டத்தில் இருந்து தன்னுடைய அரசியல் பயணத்தை தொடங்குகிறார் கமல்.
மதுரை பொதுக்கூட்டத்திற்கு பிறகு மக்களின் பிரச்னைகளை களத்தில் இருந்து தெரிந்து கொள்வதற்காக நாளை நமதே என்ற சுற்றுப்பயணத்தையும் தொடங்குகிறார். இந்நிலையில் பிப்ரவரி 21ம் தேதி நடிகர் கமல்ஹாசனின் பயண விவரம் முழுவதும் வெளியிடப்பட்டுள்ளது.
காலை 7.45 மணி : முன்னாள் குடியரசுத் தலைவர் ஏ.பி.ஜே அப்துல் கலாம் வீட்டிற்கு வருகிறார் கமல்
காலை 8.15 மணி :அப்துல்கலாமின் பள்ளிக்குச் செல்கிறார்
காலை 8.50 மணி : கணேஷ் மகாலில் மீனவர்களை சந்திக்கிறார்
காலை 11.10 மணி : அப்துல் கலாம் நினைவிடம் வருகிறார்
காலை 11.20 மணி : அப்துல் கலாம் நினைவிடத்தில் இருந்து மதுரை புறப்படுகிறார்
நண்பகல் 12.30 மணி : ராமநாதபுரம் அரண்மனை நுழைவுவாயிலில் பொதுக்கூட்டம்
நண்பகல் 2.30 மணி : பரமக்குடி ஐந்து முனை சாலையில் லேனா மஹாலுக்கு முன்பு பொதுக்கூட்டம்
பிற்பகல் 3 மணி : மானாமதுரை ஸ்ரீப்ரியா தியேட்டருக்கு அருகே பொதுக்கூட்டம்
மாலை 5 மணி : மதுரை ஒத்தக்கடை மைதானம் வருகை
மாலை 6 மணி : கட்சிக் கொடி ஏற்றுகிறார்
மாலை 6.30 மணி : பொதுக்கூட்டம்
இரவு 8.10 முதல் 9.00 மணி - பொதுக்கூட்டத்தில் உரையாற்றுகிறார்