சின்னம்மா தான் அதிமுக தலைவியாக வேண்டும்: சொல்வது ராமராஜன்

சென்னை: மறைந்த முன்னாள் முதல்வர் ஜெயலலிதாவை அடுத்து அதிமுக தலைமை பொறுப்பை சசிகலா ஏற்க வேண்டும் என நடிகர் ராமராஜன் தெரிவித்துள்ளார்.

முன்னாள் அதிமுக எம்.பி.யான நடிகர் ராமராஜன் மறைந்த முன்னாள் முதல்வர் ஜெயலலிதாவின் தீவிர ரசிகர், ஆதரவாளர். நேரம் கிடைக்கும் போது எல்லாம் அம்மா புகழ்பாடுபவர்.

தேர்தல் நேரங்களில் அதிமுகவுக்கு ஆதரவாக பிரச்சாரம் செய்து வருபவர். ஜெயலலிதாவின் மறைவை அடுத்து அதிமுகவின் தலைமை பொறுப்பை ஏற்குமாறு கட்சியின் மூத்த தலைவர்கள் சசிகலாவை வலியுறுத்தி வருகிறார்கள்.

சசிகலாவுக்கு அதிமுகவின் 49 எம்.பி.க்கள் ஆதரவு தெரிவித்துள்ளனர். இந்நிலையில் சசிகலா கட்சி தலைவியாக பொறுப்பேற்க ராமராஜனும் ஆதரவு தெரிவித்துள்ளார். ராமராஜன் சாலை விபத்தில் சிக்கி காயம் அடைந்தபோது அவரின் மருத்துவ செலவை ஏற்றவர் ஜெயலலிதா என்பது குறிப்பிடத்தக்கது.

சசிகலா கட்சியை தலைமை தாங்கி வழிநடத்த அவருக்கு நாளுக்கு நாள் ஆதரவு பெருகி வருகிறது.

English summary

Actor Ramarajan who is an ardent fan of former CM Jayalalithaa, has extended his support to Sasikala to lead ADMK.