For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஆர். கே. நகரில் சசி அணிக்கு தொப்பி, ஓபிஎஸ் அணிக்கு இரட்டை விளக்கு மின் கம்பம் சின்னம்!

ஆர்.கே. நகர் இடைத்தேர்தலில் சசிகலா அணி சார்பில் போட்டியிடும் டிடிவி தினகரனுக்கு தொப்பி சின்னம் ஒதுக்கி தேர்தல் ஆணையம் உத்தரவிட்டுள்ளது. ஓபிஎஸ் அணிக்கு இரட்டை விளக்க மின் கம்பம் ஒதுக்கியுள்ளது.

By Mayura Akilan
Google Oneindia Tamil News

சென்னை: இரட்டை இலை சின்னம் முடக்கப்பட்டதை அடுத்து ஆர்.கே. நகர் இடைத்தேர்தலில் போட்டியிடும் டிடிவி தினகரனுக்கு தொப்பி, கிரிக்கெட் பேட், ஆட்டோ ரிக்ஷா ஆகிய மூன்று சின்னங்களில் ஏதாவது ஒன்றை ஒதுக்கக் கோரி தேர்தல் ஆணையத்திடம் பட்டியல் அளிக்கப்பட்டது. சசிகலா அணிக்கு தேர்தல் ஆணையம் ஆட்டோ ரிக்சா சின்னத்தை ஒதுக்கியது. அதை ஏற்க மறுத்ததை அடுத்து தொப்பி சின்னத்தை சசிகலா அணிக்கு தேர்தல் ஆணையம் ஒதுக்கியது.

ஓபிஎஸ் அணி சார்பில் போட்டியிடும் மதுசூதனனுக்கு இரட்டை விளக்கு மின் கம்பம் சின்னத்தை தேர்தல் ஆணையம் ஒதுக்கியுள்ளது.

ஜெயலலிதா மறைவிற்குப் பிறகு காலியாக உள்ள ஆர்.கே. நகரில் எப்ரல் 12ஆம் தேதி இடைத்தேர்தல் நடைபெற உள்ளது. ஓபிஎஸ் அணி, சசிகலா அணியினர் இரட்டை இலை சின்னத்தை கேட்டு மல்லுக்கட்டின.

இரட்டை இலை சின்னத்தை யாருக்கு ஒதுக்குவது என்பது குறித்து சசிகலா மற்றும் ஓ.பி.எஸ் ஆகிய அணிகளிடம் விசாரணை நடத்திய இந்திய தேர்தல் ஆணையம் ஐந்து அறிவிப்புகளை வெளியிட்டுள்ளது.

இரட்டை இலை

இரட்டை இலை

இரட்டை இலை சின்னம் யாருக்கும் கிடையாது. சின்னம் முடக்கப்படுகிறது.ஒரு அணிகளும் அதிமுக என்ற பெயரை பயன்படுத்தக் கூடாது என்று தேர்தல் ஆணையம் உத்தரவிட்டுள்ளது.

85 சின்னங்கள்

85 சின்னங்கள்

தேர்தல் ஆணையம் அங்கீகரித்துள்ள 85 சின்னங்களில் ஏதாவது மூன்று சின்னங்களை இரு அணிகளும் தங்களுக்கு தேர்ந்தெடுத்துக் கொள்ள வேண்டும். இது குறித்த தகவலை வியாழக்கிழமை காலை 10 மணிக்குள் தேர்தல் ஆணையத்திடம் தெரிவிக்க வேண்டும்.

அதிமுக அம்மா

அதிமுக அம்மா

தேர்தல் ஆணையத்தின் உத்தரவினை அடுத்து சசிகலா அணி சார்பில் மனு அளிக்கப்பட்டுள்ளது. கட்சியின் பெயரை அதிமுக அம்மா என்று அந்த மனுவில் குறிப்பிட்டுள்ளது. இதனையடுத்து அதிமுக அம்மா என்ற கட்சியும் ஏற்கப்பட்டுள்ளது

தொப்பி, கிரிக்கெட் பேட், ஆட்டோ

தொப்பி, கிரிக்கெட் பேட், ஆட்டோ

சசிகலா அணி சார்பில் சுயேட்சை சின்னங்கள் அடங்கிய பட்டியல் அடங்கிய மனுவை அளித்துள்ளது. ஆர்.கே. நகர் இடைத்தேர்தலில் தங்கள் அணியில் சார்பாக போட்டியிடும் வேட்பாளர் டிடிவி தினகரனுக்கு தொப்பி, கிரிக்கெட் பேட், ஆட்டோ ரிக்ஷா சின்னம் ஒதுக்க கோரி தேர்தல் ஆணையத்திடம் சசிகலா அணி மனு அளித்தது

ஆட்டோவிற்கு பதில் தொப்பி

ஆட்டோவிற்கு பதில் தொப்பி

ஆர்.கே. நகரில் சசிகலா அணியின் சார்பில் போட்டியிடும் டிடிவி தினகரனுக்கு ஆட்டோ ரிக்சா சின்னம் ஒதுக்கி தேர்தல் ஆணையம் உத்தரவிட்டது. ஆனால் தங்களுக்கு தொப்பி சின்னம் வேண்டும் என்று சசிகலா அணி சார்பில் மீண்டும் கோரிக்கை வைக்கப்பட்டது. இதனை ஏற்று தொப்பி சின்னத்தை சசிகலா அணிக்கு தேர்தல் ஆணையம் ஒதுக்கியது.

இரட்டை மின் கம்பம்

இரட்டை மின் கம்பம்

இதே போல ஓபிஎஸ் அணி சார்பில் சின்னங்கள் ஒதுக்கக் கோரி 3 சின்னங்கள் அடங்கிய பட்டியலை அணித்தன. இரட்டை விளக்க மின் கம்பம் ஒதுக்கி தேர்தல் ஆணையம் உத்தரவிட்டுள்ளது. ஓபிஎஸ் அணிக்கு அஇஅதிமுக புரட்சித்தலைவி பெயரை ஒதுக்கியுள்ளது.

ஓபிஎஸ் அணி ஏற்பு

ஓபிஎஸ் அணி ஏற்பு

இதேபோல ஓபிஎஸ் அணி கேட்டது போல இரட்டை விளக்கு மின் கம்பம் சின்னத்தையும், அஇஅதிமுக புரட்சித்தலைவி என்ற கட்சியின் பெயரையும் தேர்தல் ஆணையம் ஒதுக்கியதால் அந்த அணியினர் உற்சாமடைந்துள்ளனர்.

English summary
Auto, bat and hat are the symbols proposed by the Sasikala camp which wants to fight the RK Nagar by- elections under the name ADMK Amma.The proposals were made before the Election Commission of India. The ECI had on Wednesday frozen the AIADMK symbol after there were contesting claims from the OPS camp.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X