நெல்லை மேயர் இடைத் தேர்தல்.. அதிமுகவின் புவனேஸ்வரி போட்டியின்றி தேர்வு

நெல்லை: நெல்லை மாநகராட்சி மேயர் பதவிக்கு நடந்த இடைத் தேர்தலில் அதிமுக வேட்பாளர் புவனேஸ்வரி போட்டியன்றி வெற்றி பெற்றதாக இன்று அதிகாரப்பூர்வமாக அறிவிக்கப்பட்டது.

கடைசி நேரத்தில் பாஜக சார்பில் போட்டியிட்ட வேட்பாளர் வெள்ளையம்மாள் திடீரென போட்டியிலிருந்து விலகிக் கொண்டார்.

தனது வேட்புமனுவை வாபஸ் பெறும் மனுவை அவர் மாநகராட்சி ஆணையரிடம் கொடுத்தார். இதையடுத்து போட்டியில் புவனேஸ்வரி மட்டுமே இருந்தார். இதன் காரணமாக அவர் போட்டியின்றி தேர்வு பெற்றதாக இன்று அதிகாரப்பூர்வமாக அறிவிக்கப்பட்டது.

நெல்லை தவிர கோவை, தூத்துக்குடி மேயர் தேர்தலை திமுக, மதிமுக, பாமக, தேமுதிக ஆகிய கட்சிகள் புறக்கணித்து விட்டன என்பது நினைவிருக்கலாம்.

English summary

ADMK candidate Bhuvaneswari has been declared elected unopposed in Nellai mayor by poll.