கூவத்தூர் ரிசார்ட் லீலைகள் விரைவில் ரிலீஸ்! அதிமுக எம்பி சுந்தரம் பொளேர்- எம்.எல்.ஏக்கள் பீதி!!

கூவத்தூர் ரிசார்ட்டில் அதிமுக எம்.எல்.ஏக்கள் அடித்த கூத்துகளை ஆதாரங்களுடன் வெளியிட போவதாக அதிமுக எம்பி சுந்தரம் தெரிவித்துள்ளார்.

ராசிபுரம்: கூவத்தூர் ரிசார்ட்டில் அதிமுக எம்.எல்.ஏ.க்க நடத்திய கூத்துகளை விரைவில் ஆதாரங்களுடன் வெளியிடுவேன் என ஓபிஎஸ் அணி அதிமுக எம்.பி சுந்தரம் தெரிவித்துள்ளது பரபரப்பை கிளப்பியுள்ளது.

அதிமுக இரண்டாக பிளவுபட்ட நிலையில் அதிமுக எம்.எல்.ஏக்கள் சசிகலா தரப்பால் கூவத்தூரில் சிறை வைக்கப்பட்டனர். அப்போது முன்னாள் முதல்வர் ஓபிஎஸ் அணிக்கு ஆதரவு தெரிவித்தவர் நாமக்கல் எம்.பி. சுந்தரம்.

அவர் சென்னையில் இருந்து ராசிபுரத்துக்கு நேற்று வருகை தந்தார். அங்கு அவரது ஆதரவாளர்கள் ஆயிரக்கணக்கானோர் திரண்டு வரவேற்றனர்.

அவர்களிடம் பேசிய எம்.பி. சுந்தரம், கூவத்தூரில் எம்.எல்.ஏக்கள் என்ன லீலைகளை நடத்தினார் என்பதற்காக ஆதாரங்கள் உள்ளன.

விரைவில் இந்த லீலைகள் ஆதாரங்களுடன் வெளியாகும். இந்த பகுதியைச் சேர்ந்த எம்.எல்.ஏக்கள் செய்தது என்ன? வாங்கியது எவ்வளவு, எப்படியெல்லாம் டான்ஸ் ஆடினர்? என விரைவில் வெளியிடுவேன் என்றார்.

அதிமுக எம்.பியின் இந்த பேச்சால் அதிமுக எம்.எல்.ஏக்கள் பீதியில் உறைந்துள்ளனர்.

English summary

ADMK MP Sundaram said that he will release the ADMK MLA's Kuvathur Resort videos very soon.