உள்ளே ஐடி ரெய்டு...வெளியே ஜூனியர் சிஎம் விவேக் வாழ்க...ஜெயா டிவி முன்பு முழக்கம் போட்ட அடிவிழுதுகள்!
ஜூனியர் சிஎம் விவேக் வாழ்க என ஜெயா டிவி வருமான வரிசோதனையின் போது அவரது ஆதரவாளர்கள் முழக்கமிட்டுள்ளனர்.
Recommended Video
சென்னை: ஜெயா டிவி சேனலில் உள்ளே ரெய்டு நடந்து கொண்டிருக்கும் போது வெளியே ஜூனியர் சி.எம். விவேக் வாழ்க என அவரது ஆதரவாளர்கள் முழக்கம் எழுப்பிய விவகாரத்தை அரசின் பார்வைக்கு கொண்டு சென்றிருக்கிறதாம் உளவுத்துறை.
வருமான வரித்துறை சோதனையால் மிகவும் மகிழ்ச்சியில் இருக்கிறார்கள் சசிகலா குடும்பத்தின் ஜூனியர்களான விவேக்கும் ஜெயானந்தும். ஊடக வெளிச்சம் தங்கள் மீது படுவதை ரொம்பவே ரசித்து கொண்டிருக்கிறார்கள்.
இந்த ஊடக வெளிச்சத்தை எப்படியாவது அறுவடை செய்து கொண்டு அதிமுக(அம்மா) கட்சியில் ஆதரவாளர்களை அணிசேர்த்துவிட வேண்டும் என்கிற முனைப்பில் இருவருமே தீவிரமாக இருக்கின்றனர்.
இந்நிலையில் விவேக் தொடர்பாக சில விஷயங்களை அரசின் கவனத்துக்கு உளவுத்துறை கொண்டு சென்றுள்ளது. அதில் முக்கியமாக, ஜெயா டிவியில் உள்ளே ரெய்டு நடந்து கொண்டிருந்த போது சுழற்சி முறையில் சிலர் அந்த அலுவலகத்துக்கு வெளியே நிறுத்தப்பட்டிருக்கின்றனர்.
அவர்களுக்கு கொடுக்கப்பட்ட அசைன்மென்ட்டே அவ்வப்போது "ஜூனியர் சி.எம். விவேக் வாழ்க" என்பதுதானாம். விவேக்குகும் அதிமுகவில் ஆதரவாளர்கள் இருக்கிறது எனக் காட்டுவதற்காக ஒரு சீனியர் பத்திரிகையாளர் கொடுத்த ஐடியாவில்தான் இப்படி நிறுத்தப்பட்டு முழக்கம் எழுப்பினார்கள் என்கிறது உளவுத்துறை அறிக்கை.