இந்துத்துவா, திமுக எதிர்ப்புகளில் முரண்பாடு.. நீங்க வைகோவா? இல்ல சைக்கோவா? நமது அம்மா கடும் தாக்கு

மதிமுக பொதுச்செயலர் வைகோவை கடுமையாக விமர்சித்துள்ளது நமது அம்மா நாளேடு.

சென்னை: ஸ்டெர்லைட், பாஜக எதிர்ப்பு, திமுக ஆதரவு நிலைப்பாடுகளை முன்வைத்து மதிமுக பொதுச்செயலர் வைகோவை அதிமுகவின் அதிகாரப்பூர்வ ஏடான நமது அம்மா கடுமையாக விமர்சித்துள்ளது.

நமது அம்மா நாளேட்டில் நீங்க வைகோவா இல்ல சைக்கோவா என்கிற தலைப்பில் எழுதப்பட்டுள்ள விமர்சனம்:

இந்துத்துவா சக்திகள் தமிழ்நாட்டில் ஊடுருவி விடக் கூடாது...

இதுவும் நீங்கதான்..

அப்படின்னா 1998-ல் பிஜேபியோடு கூட்டு; 1999-லும் பிஜேபியோடு கூட்டு.. 2014-ல் மோடியை அழைத்துக் கொண்டு முட்டுச் சந்து வரை மைக் பிடித்து மோடி ஆட்சிக்கு வந்தால்தான் நாட்டுக்கு விமோசனம் என பிரச்சாரம்...

சரி அடுத்தது... 'உயிரைக் குடிக்கும் ஸ்டெர்லைட் ஆலையை எப்படி அனுமதிக்க் முடியும்"....

இதுவும் நீங்கதான்....

அப்படியென்றால் புகைப்பழக்கம் உயிருக்கு கேடு என்று சிகரெட் பொட்டியிலேயே அச்சிட்டிருக்கும்போது அதை மட்டும் எப்படி உங்க மகன் வையாபுரி பெயரிலே ஏஜென்சி எடுத்தீங்க...

அதுமட்டுமல்லாமல் சிகரெட் பிடிப்பவன் கற்பழிக்கமாட்டான்.. சிகரெட் பிடிப்பவன் கையை பிடித்து இழுக்கமாட்டான் என்றெல்லாம் நீங்களே அதற்கு விளம்பரதாரராக மாறினீங்க?

அடுத்தது ஸ்டெர்லைட் ஆலையை மூடுவதற்காக உயிரையும் கொடுப்பேன்...

இதுவும் நீங்கதான்..

அதே ஸ்டெர்லைட் ஆலைக்கு அனுமதியும் கொடுத்து அந்த ஆலை விரிவாக்கத்துக்காக 230 ஏக்கர் நிலத்தையும் கொடுத்த திமுகவோடும் குறிப்பாக மு.க. ஸ்டாலினின் முதுக்குக்கு பின்னாடி நிக்குறீங்களே உங்களுக்கு வெட்கமா இல்லையா?

ஈழத்தில் நடந்த இன அழிப்புக்குக் காரணமான திமுகவை வேரோடு அழிப்பதொன்றே என் லட்சியம் என 2016 வரை ஊரெல்லாம் ஊளையிட்டுப்புட்டு இப்போது திமுகவை ஆட்சியில் அமர்த்துவதுதான் என் குறிக்கோள் என்று பேசி அலையுறீங்களே... உண்மையாகவே நீங்க யாரு?

நேற்றென்ன பேசினோம்.. இன்றென்ன பேசுகிறோம்... நாளை என்ன பேசப் போகிறோம் என்பதே தெரியாமல் குறிக்கோளற்று அலைகிற உங்களின் லட்சியம்தான் என்ன?

இப்படியே போனால் சரித்திரம் உங்களை வைகோ என்பதற்கு பதிலாக சைகோ என்றல்லவா பதிவு செய்யும்.

இவ்வாறு அக்கட்டுரையில் எழுதப்பட்டுள்ளது.

English summary

AIADMK Mouthpiece Namadu Amma daily slammed MDMK General Secretary Vaiko.