60 வயதைத் தொட்ட "புரட்சித் திலகம்" சரத்குமார்.. "அம்மா"விடம் குடும்பத்தோடு போய் ஆசி!
சென்னை: நடிகரும், நடிகர் சங்கத் தலைவரும், எம்.எல்.ஏவும், அகில இந்திய சமத்துவ மக்கள் கட்சித் தலைவருமான சரத்குமார் தனது 60வது பிறந்த நாளை இன்று கொண்டாடினார்.
இதையொட்டி தனது மனைவி ராதிகா உள்ளிட்ட குடும்பத்தாருடன் போய் முதல்வர் ஜெயலலிதாவைச் சந்தித்து ஆசி பெற்றார்.
சரத்குமாருக்கு இன்று 60வது பிறந்த நாளாகும். இது அவருக்கு மணி விழா பிறந்த நாள். இதையொட்டி அவரது கட்சியினர் சரத்குமார் பிறந்த நாளை சிறப்பாக கொண்டாடி வருகிறார்கள். பத்திரிகைகளில் சரத்குமாரை வாழ்த்தும் விளம்பரங்கள் இன்று கண்ணைப் பறித்தன.
நடிகர் தாமு சரத்குமாரைப் பாராட்டியும், புகழ்ந்தும், வாழ்த்தியும் கவிதை வடித்திருந்தது இதில் ஹைலைட்டாகும்.
இந்த நிலையில் சரத்குமார் தனது குடும்பத்தாருடன் இன்று முதல்வர் ஜெயலலிதாவைச் சந்தித்து வாழ்த்தும், ஆசியும் பெற்றார்.
அவருடன், மனைவி ராதிகா, மகள் வரலட்சுமி, மகன் ராகுல், ராதிகாவின் மகள் ரேயான் ஆகியோரும் சென்றிருந்தனர்.