புதுவை முதல்வரை சந்தித்தார் அன்புமணி ராமதாஸ்...
புதுவை: புதுச்சேரி முதல்வர் ரங்கசாமியை சந்தித்து தனது மகள் திருமண அழைப்பிதழை கொடுத்து திருமணத்திற்கு வரும் படி அழைப்பு விடுத்தார் பாமக இளைஞரணி தலைவர் அன்புமணி ராமதாஸ்.
விரைவில் பாமக இளைஞரணி தலைவர் அன்புமணி ராமதாஸின் மகளுக்கு திருமணம் நடைபெற உள்ளது. எனவே, மகளின் திருமணத்திற்கு திமுக தலைவர் கருணாநிதி, திமுக பொருளாளர் ஸ்டாலின் உள்ளிட்ட தமிழக கட்சித் தலைவர்கள் பலரைச் சந்தித்து அன்புமணி அழைப்பிதழ் கொடுத்தார்.
கடந்த சில வாரங்களுக்கு முன்னர், தனது கட்சித் தொண்டர்கள் மற்றும் மாவட்டச் செயலாளர்களையும் ஒன்று திரட்டி திருமணத்திற்கு வரும்படி அழைப்பு விடுத்தார்.
இந்நிலையில், இன்று மதியம் புதுச்சேர் முதல்வர் ரங்கசாமியை அவரது அலுவலகத்தில் சந்தித்துப் பேசினார் அன்புமணி ராமதாஸ். அப்போது, தனது மகளின் திருமண அழைப்பிதழை கொடுத்து, திருமணத்துக்கு வரும்படி அவர் ரங்கசாமிக்கு அழைப்பு விடுத்தார்.
இந்த சந்திப்பின்போது அன்புமணியுடன் புதுவை மாநில பா.ம.க. செயலாளர் அனந்தராமன், மற்றும் நிர்வாகிகள் வந்திருந்தனர்.