Just In

தமிழக முதல்வர் செயல்படுத்தி வரும் திட்டங்கள் பாராட்டத்தக்கது: அர்னால்ட் புகழாரம்

Updated: Monday, September 15, 2014, 17:52 [IST]

சென்னை: தமிழக முதல்வர் செயல்படுத்தி வரும் திட்டங்கள் பாராட்டப்படத் தக்கது எனத் தெரிவித்துள்ளார் ஹாலிவுட் நடிகர் அர்னால்டு.

Arnold Schwarzenegger meets CM Jayalalitha

ஷங்கரின் இயக்கத்தில் விக்ரம், எமி ஜாக்சன் நடித்துள்ள ஐ படத்தின் பாடல் வெளியீட்டு விழா சென்னையில் இன்று நடைபெறுகிறது. இந்த விழாவில் கலந்து கொள்வதற்காக சென்னை வந்துள்ளார் பிரபல ஹாலிவுட் நடிகர் அர்னால்டு.

விழாவில் பங்கு கொள்வதற்கு முன்னதாக மரியாதை நிமித்தமாக தமிழக முதல்வர் ஜெயலலிதாவைச் சந்தித்தார் அர்னால்டு. தலைமைச் செயலகத்தில் இந்தச் சந்திப்பு நடைபெற்றது.

முதல்வரைச் சந்தித்ததைத் தொடர்ந்து செய்தியாளர்கள் மத்தியில் பேசினார் அர்னால்டு. அப்போது அவர், ‘தமிழக முதல்வர் ஜெயலலிதாவை மரியாதை நிமித்தமாக சந்தித்தேன். தமிழகத்தில் அவர் செயல்படுத்தி வரும் திட்டங்கள் பாராட்டத்தக்கது. அவர் மிகச்சிறந்த தலைவியாக அவர் செயல்படுகிறார். அவரை சந்தித்தது மிகழ்ச்சி' எனத் தெரிவித்தார்.