தாராபுரம் ஆஞ்சநேயர் கோவிலில் குத்தாட்டம் போட்ட பாஜக பெண் எம்பி ரூபா கங்குலி - வீடியோ
திருப்பூர்: தாராபுரம் ஆஞ்சநேயர் கோவிலுக்கு சாமி கும்பிட வந்த பாஜக பெண் எம்.பி ரூபா கங்குலி, அங்கு திடீரென குத்தாட்டம் போட்டு பரபரப்பை ஏற்படுத்தினார்.
மகாபாரதம் டிவி தொடரில் திரவுபதியாக நடித்து பிரபலமான ரூபா கங்குலி, இவர் மேற்கு வங்க மாநிலத்தில் இருந்து பாஜக சார்பில் ராஜ்யசபா எம்.பி.யாக நியமிக்கப்பட்டுள்ளார்.
மத்திய அரசின் மூன்றாண்டுகள் சாதனையையொட்டி தமிழகம் முழுவதும் பாஜக தலைவர் சுற்றுப்பயணம் செய்து வருகின்றனர்.
மதுரை மாவட்டம் உசிலம்பட்டியில் பா.ஜ.க. பொதுக்கூட்டம் நடந்தது. இதில் மேற்கு வங்க மாநில பாஜக ராஜ்யசபா எம்.பி ரூபா கங்குலி கலந்து கொண்டார். திருப்பூர் வந்த அவர் தாராபுரம் ஆஞ்சநேயர் கோவிலுக்கு சென்றார். அங்கே திடீரென குத்தாட்டம் போட்டு பரபரப்பை ஏற்படுத்தினார்.
அவருடன் அங்கிருந்த பெண்களும் செம ஆட்டம் போட்டனர். சாமி கும்பிட வந்த எம்பி நடனமாடியது பரபரப்பை ஏற்படுத்தியது.