• search
For Quick Alerts
ALLOW NOTIFICATIONS  
For Daily Alerts

போயஸ் கார்டனுக்கு நெருக்கமான சேகர் ரெட்டி உட்பட 5 பேரின் ஜாமீன் மனுக்கள் தள்ளுபடி!

By Mathi
|

சென்னை: சட்டவிரோத பணப் பரிமாற்ற வழக்கில் கைது செய்யப்பட்ட போயஸ் கார்டனுக்கு மிக நெருக்கமான சேகர் ரெட்டி உட்பட 5 பேரின் ஜாமீன் மனுக்களை சென்னை சிபிஐ சிறப்பு நீதிமன்றம் இன்று தள்ளுபடி செய்துவிட்டது.

போயஸ் கார்டனுக்கு மிக நெருக்கமானவர் சேகர் ரெட்டி. இவரது வீடு, அலுவலகங்களில் நடத்தப்பட்ட வருமான வரி சோதனையின் போது ரூ147 கோடி ரொக்கம், 130 கிலோ தங்க கட்டிகள் சிக்கின. இதில் ரூ34 கோடி புதிய 2,000 ரூபாய் நோட்டுகள்.

CBI court rejects Sekhar Reddy's bail plea

இச்சோதனை நாடு முழுவதும் பெரும் அதிர்ச்சியை ஏற்படுத்தியது. இந்த சேகர் ரெட்டி தமிழக அரசின் முதன்மை கான்டிராக்டர். இவருக்கு போயஸ் கார்டன் மற்றும் மூத்த அமைச்சர்கள் பலரும் நெருக்கம். இவர்களது பணம் தான் இவை என கூறப்பட்டு வருகிறது. இதையடுத்து அமலாக்கப் பிரிவு, சிபிஐ ஆகியவை சேகர் ரெட்டி மீது வழக்குப் பதிவு செய்தது.

இவ்வழக்கில் சேகர் ரெட்டி, அவரது உறவினர் சீனிவாசலு, நண்பர் பிரேம், தொழில் கூட்டாளிகள் திண்டுக்கல் ரத்தினம், புதுக்கோட்டை ராமச்சந்திரன் ஆகியோர் கைது செய்யப்பட்டு சென்னை புழல் சிறையில் அடைக்கப்பட்டனர். மேலும் சேகர் ரெட்டியுடன் நெருக்கமாக இருந்த தலைமை செயலராக இருந்த ராமமோகன் ராவ், அவரது மகன் விவேக் வீட்டிலும் வருமான வரித்துறை சோதனை நடத்தினர்.

இதனிடையே சேகர் ரெட்டி உட்பட 5 பேர் மீது ஜாமீன் கோரி சென்னை சிபிஐ சிறப்பு நீதிமன்றத்தில் தாக்கல் செய்த மனுவை நீதிபதி விஜயலட்சுமி விசாரணை நடத்தி வந்தார். இந்த விசாரணையின் முடிவில் 5 பேரின் ஜாமீன் மனுக்களையும் நீதிபதி விஜயலட்சுமி தள்ளுபடி செய்தார். அதேபோல் சேகர் ரெட்டி உள்ளிட்டோரை காவலில் எடுத்து விசாரிக்க கோரும் சிபிஐ மனுவையும் நீதிமன்றம் தள்ளுபடி செய்தது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The CBI court has rejected the bail application of Sekhar Reddy who is believed to have been closely linked Poes Garden and TN Ministers.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more