Click it and Unblock the Notifications
Don't Miss
-
Actor Vishal: இவன்லாம் என்ன டைரக்ஷன் பண்ணி கிழிக்கப்போறான்னு நினைக்கிறாங்க.. விஷால் வருத்தம்! -
கோடை காலத்தில் எவ்வளவு தண்ணீர் குடிக்க வேண்டும் தெரியுமா? -
குடும்பத்தோட போக பஸ்ல டிக்கெட்டை தேடி அலைய வேண்டியதில்ல!.. 9பேர் போற மாதிரியான கார் விற்பனைக்கு அறிமுகம்!! -
விஸ்வரூப பட்ஜெட்.. ரூ.12999 போதும்.. OIS கேமரா.. 6000mAh பேட்டரி.. 1TB மெமரி.. 30W சார்ஜிங்.. எந்த மாடல்? -
சிஎஸ்கேக்கு புதிய சிக்கல்.. மே மாதம் முழுவதும் விலகும் ஸ்டார் வேகப்பந்துவீச்சாளர்.. பெரும் பின்னடைவு! -
ஈஸியா ரூ.5 லட்சம் உங்களை தேடி வரும்.. மத்திய அரசின் சூப்பரா திட்டம்.. அதுவும் அந்த சலுகை செம! -
இந்தியாவில் உள்ள பழத் தலைநகரங்கள் பற்றி தெரியுமா – மாம்பழ, வாழைப்பழ, கொய்யா தலைநகரங்கள்! -
காரக்பூர் ஐஐடி-யில் செயற்கை நுண்ணறிவு படிப்பு படிக்க ஆசையா...!!
2ஜி வழக்கு: தி.மு.க. தலைவர் கருணாநிதியின் உதவியாளர் சண்முகநாதன் ஆஜராக சி.பி.ஐ. திடீர் உத்தரவு!!
சென்னை: ஸ்பெக்ட்ரம் ஊழல் வழக்கில் சர்ச்சைக்குரிய டெலிபோன் உரையாடல்கள் குறித்து விசாரிப்பதற்காக தி.மு.க. தலைவர் கருணாநிதியின் உதவியாளர் சண்முகநாதனை விசாரணைக்கு சி.பி.ஐ. அழைத்துள்ளது பரபரப்பை ஏற்படுத்தியுள்ளது. இந்த தகவல் தி.மு.க.வினரை கடும் அதிர்ச்சிக்குள்ளாக்கியுள்ளது.
ஸ்பெக்ட்ரம் ஊழல் வழக்கில் முன்னாள் மத்திய அமைச்சர் ஆ. ராசா, தி.மு.க. தலைவர் கருணாநிதியின் மகள் கனிமொழி எம்.பி. உள்ளிட்டோர் மீதான வழக்குகள் டெல்லி சி.பி.ஐ. நீதிமன்றத்தில் நடைபெற்று வருகிறது. இந்த நிலையில் திடீரென ஆ. ராசா மீது வருமானத்துக்கு அதிகமாக சொத்து குவித்ததாக புதிய வழக்கையும் சி.பி.ஐ. பதிவு செய்துள்ளது.
இந்த வழக்கில் புதிய திருப்பமாக கடந்த ஆண்டு பிப்ரவரி மாதம் டெல்லியில் மூத்த வழக்கறிஞர் பிரசாந்த் பூஷண் டெலிபோன் உரையாடல்கள் அடங்கிய தொகுப்பை வெளியிட்டிருந்தார். அதில் ஸ்பெக்ட்ரம் வழக்கு தொடர்பாக கனிமொழி, கலைஞர் டிவி நிர்வாக இயக்குநராக இருந்த சரத்குமார், கருணாநிதியின் உதவியாளர் சண்முகநாதன் ஆகியோருடன் முந்தைய திமுக ஆட்சியில் உளவுத் துறை ஐ.ஜியாக இருந்த ஜாஃபர் சேட் பேசுவது இடம்பெற்றிருப்பதாகவும் பிரசாந்த் பூஷண் கூறியிருந்தார்.
மேலும் கனிமொழியுடன் 2010-ஆம் ஆண்டு நவம்பர் 23; 2011-ஆம் ஆண்டு பிப்ரவரி 16; சரத்குமாருடன் 2011-ஆம் ஆண்டு பிப்ரவரி 13; கருணாநிதியின் உதவியாளர் சண்முகநாதனுடன் 2010-ஆம் ஆண்டு டிசம்பர் 31 ஆகிய தேதிகளில் ஜாஃபர் சேட் பேசியதாகவும் இவை அனைத்துமே ஸ்பெக்ட்ரம் ஊழலை மறைக்க மேற்கொண்ட முயற்சிகளுக்கான ஆதாரமே என்றும் பிரசாந்த் பூஷண் தெரிவித்திருந்தார்.
ஆனால் இந்த டெலிபோன் உரையாடல்களை ஒட்டுமொத்தமாக பொய் என்று அப்போதே தி.மு.க. தலைவர் கருணாநிதி மறுத்திருந்தார்.
அதே நேரத்தில் சி.பி.ஐயும் விசாரணை நீதிமன்றத்தில் இந்த டெலிபோன் உரையாடல்களை குறிப்பிட்டு கூடுதல் குற்றப்பத்திரிகை தாக்கல் செய்ய இருப்பதாகவும் தெரிவித்திருந்தது.
இந்த நிலையில்தான் சர்ச்சைக்குரிய இந்த டெலிபோன் உரையாடல் குறித்து விசாரிப்பதற்காக சண்முகநாதனை சி.பி.ஐ. அதிகாரிகள் நேரில் ஆஜராக வாய்மொழியாக உத்தரவிட்டுள்ளனர். சட்டசபை தேர்தல் நெருங்கும் நிலையில் மீண்டும் ஸ்பெக்ட்ரம் விவகாரம் விஸ்வரூபம் எடுத்திருப்பது தி.மு.க.வை பயங்கர அதிர்ச்சிக்குள்ளாக்கியுள்ளது.
