சென்னை சென்ட்ரல் - டெல்லி சிறப்பு கட்டண ரயில் அறிவிப்பு
சென்னை: பயணிகளின் கூட்ட நெரிசலை தவிர்க்க சென்னை சென்ட்ரல் - டெல்லி ஹஸ்ரத் நிஜாமுதீன் இடையே சிறப்பு கட்டண ரயில் இயக்கப்படவுள்ளதாக தெற்கு ரயில்வே அறிவித்துள்ளது.
இது குறித்து புதன்கிழமை தெற்கு ரயில்வே வெளியிடப்பட்ட செய்திக் குறிப்பு:
ரயில் எண் 06204: மார்ச் 5 ஆம் தேதி சென்னை சென்ட்ரலில் இருந்து இரவு 7.50 மணிக்குப் புறப்பட்டு, மார்ச் 7 ஆம் தேதி காலை 10 மணிக்கு டெல்லி ஹஸ்ரத் நிஜாமுதீன் ரயில் நிலையத்துக்குச் சென்றடையும்.
இந்த ரயில் சூளூர்பேட்டை, கூடூர், நெல்லூர், ஓங்கோல், சிராலா, தெனாலி, விஜயவாடா, கம்மம், வாரங்கல், பெடப்பள்ளி, ராமகுண்டம், சர்புர்காஸாநகர், பால்ஹர்ஷா, நாகபுரி, இதார்ஸி, போபால், பினா, ஜான்ஸி, குவாலியர், ஆக்ரா கன்டோன்மென்ட், மதுரா, பல்வால் ரயில் நிலையங்களில் நின்று செல்லும் என அந்த செய்திக் குறிப்பில் தெரிவிக்கப்பட்டுள்ளது. இந்த சிறப்பு ரயிலுக்கான முன்பதிவு தொடங்கியுள்ளது.