சோவுக்கு மீண்டும் உடல் நலக்குறைவு.. மீண்டும் மருத்துவமனையில் அனுமதி

சென்னை: பத்திரிகையாளர், அரசியல் விமர்சகர், துக்ளக் ஆசிரியர் சோ ராமசாமிக்கு மீண்டும் உடல் நலக்குறைவு ஏற்பட்டதைத் தொடர்ந்து அவரை மறுபடியும் மருத்துவமனையில் சேர்த்துள்ளனர்.

வயோதிகம் தொடர்பான பல்வேறு உடல் உபாதைகளால் அவதிப்பட்டு வரும் சோ ராமசாமி அடிக்கடி மருத்துவமனையில் அனுமதிக்கப்பட்டு சிகிச்சை பெற்று வருகிறார். சமீப காலமாக உடல் நிலை சற்று தேறியதைத் தொடர்ந்து அவர் வீடு திரும்பினார்.

சமீபத்தில் ரஜினிகாந்த் நடித்த கபாலி படத்தை ஆர்வத்துடன் பார்த்து ரஜினியைப் பாராட்டியிருந்தார். இந்த நிலையில் அவருக்கு நேற்று திடீரென மீண்டும் உடல் நலக்குறைவு ஏற்பட்டது. இதையடுத்து அவரை சென்னை ஆயிரம் விளக்குப் பகுதியில் உள்ள அப்பல்லோ மருத்துவமனைக்குக் கொண்டு சென்று சேர்த்தனர். அங்கு அவருக்கு சிகிச்சை அளிக்கப்பட்டு வருகிறது.

English summary

Thuglak editor Cho Ramasamy has been hospitalized after illness.