'வசந்த் அன் கோ'...வசந்தகுமாருக்கு ரூ. 283 கோடி சொத்து!
குமரி: குமரி தொகுதியில் போட்டியிடும் காங்கிரஸ் வேட்பாளரான ஹெச். வசந்தகுமாரின் சொத்து மதிப்பு ரூ. 283 கோடி ஆகும்.
வரும் நாடாளுமன்ற தேர்தலில் கன்னியாகுமரி தொகுதியில் காங்கிரஸ் சார்பில் வசந்த் அன்ட் கோ உரிமையாளர் ஹெச். வசந்தகுமார் போட்டியிடுகிறார். அவர் நேற்று வேட்புமனுவை தாக்கல் செய்தார். அப்போது அவர் தனது சொத்துவிவரங்களை வெளியிட்டார்.
அதன்படி அசையும், அசையா சொத்துக்கள், கையிருப்பு பணம், தொழில் சார்ந்த முதலீடு, வணிக கட்டிடங்கள், குடியிருப்பு கட்டிடம், நிலம், வங்கியில் இருப்பு என அவரிடம் மொத்தம் ரூ.283 கோடி சொத்து உள்ளது.
குமரி தொகுதி எம்.எல்.ஏ. விஜயதாரணி நாடாளுமன்ற தேர்தலில் போட்டியிட தனக்கு கட்சி தலைமை சீட் கொடுக்கும் என்று நினைத்தார். ஆனால் வசந்தகுமார் வேட்பாளராக அறிவிக்கப்பட்டதையடுத்து அவர் அதிருப்தி அடைந்தார்.
இதனால் பிரச்சாரத்திற்கு வராமல் இருந்த அவர் நேற்று வசந்தகுமார் வேட்புமனு தாக்கல் செய்தபோதும் வரவில்லை என்பதும் குறிப்பிடத்தக்கது.