காங்கிரஸ் கட்சி அதிக இடங்களில் வெற்றி பெறும்… சொல்வது டி.ஆர் பாலு
சேலம்: நாடாளுமன்ற தேர்தலில் அதிக இடங்களில் காங்கிரஸ் கட்சி வெற்றி பெறும் என்று டி.ஆர்.பாலு ஆருடம் தெரிவித்துள்ளார்.
தி.மு.க.வின் தஞ்சை தொகுதி வேட்பாளரும், நாடாளுமன்ற உறுப்பினருமான டி.ஆர்.பாலு இன்று சேலத்தில் செய்தியாளர்களை சந்தித்தார்.
அப்போது, ''வருகின்ற நாடாளுமன்ற தேர்தலில் அதிக இடங்களில் வெற்றி பெற்று காங்கிரஸ் ஆட்சி அமைக்கும்.
மேலும், நாடாளுமன்றத் தேர்தலுக்கு பிறகு மதச்சார்பற்ற கூட்டணி அமையும்" என்று அவர் கூறினார்.
காங்கிரஸ் கட்சிக்கு திமுக தலைவர் கருணாநிதி மன்னிப்பு வழங்கப்படும் என்று கூறியதை அடுத்து ஆதரவு நிலை எடுத்துள்ளார் திமுக எம்.பி. டி.ஆர்.பாலு.
டி.ஆர்.பாலு சாபவிமோசனம்
தஞ்சை லோக்சபா தொகுதி தி.மு.க., வேட்பாளர் டி.ஆர்.பாலு. தஞ்சையை அடுத்து, கண்டியூரிலுள்ள கரசாப விமோசன பெருமாள் ஸ்வாமி கோவிலில், கடந்த 25ம் தேதி சுவாமி தரிசனம் செய்தார். இதை, படம் பிடித்த டி.வி., சேனல் நிருபரிடம் இருந்து கேமரா 'சிப்'பை, டி.ஆர்.பாலு உத்தரவின்பேரில் தி.மு.க.,வினர் பறித்தனர்.
சிப் ஒப்படைப்பு
இது குறித்த தகவல் ஊடகங்கள், பத்திரிக்கை வாயிலாக வேகமாக பரவியது. இதனைத்தொடர்ந்து, பறிக்கப்பட்ட கேமரா சிப்பை டி.ஆர்.பாலு ஒப்படைத்தார்.