• search
For Quick Alerts
ALLOW NOTIFICATIONS  
For Daily Alerts

கன மழை- வெள்ளத்தால் சென்னை ஐ.டி நிறுவனங்களுக்கு பல்லாயிரம் கோடி இழப்பு

|

சென்னை: சென்னையில் பெய்த கனமழை காரணமாக ஐ.டி., துறைக்கு பல கோடி இழப்பு ஏற்பட்டுள்ளது. மேலும் வாகன உற்பத்தியும் கடுமையாக பாதிக்கப்பட்டு 15 ஆயிரம் கோடி வரை இழப்பு ஏற்பட்டதாகக் கூறப்படுகிறது.

கடந்த செவ்வாய்க்கிழமை பெய்த கனமழையால் சென்னை நகரின் பெரும்பாலான பகுதிகள் நீரில் மூழ்கின. இதனால் நகர் முழுவதும் வெள்ளக்காடாக காட்சியளித்தது. இந்த கனமழையால் சென்னை ஓஎம்ஆரில் உள்ள பெரும்பாலான ஐ.டி நிறுவனங்களுக்குள் தண்ணீர் புகுந்தது. இதையடுத்து ஐ.டி., நிறுவனங்கள் விடுமுறை அளித்தன. தமிழக அரசு சார்பிலும் மழையின் காரணமாக தனியார் நிறுவனங்களுக்கு விடுமுறை அளிக்கக் கோரி அறிவிப்பு வெளியானது.

Continues rain left IT firms lose of several billions

இந்நிலையில், ஐடி நிறுவனங்கள் தங்களது ஊழியர்கள் பலரை ஹைதராபாத்துக்கும், பெங்களூருவுக்கும் தற்காலிகமாக இடமாற்றம் செய்தது.

பல நிறுவனங்கள் தங்கள் ஊழியர்களை பஸ் மூலம் ஹைதராபாத்துக்கும், பெங்களூருவுக்கும் அனுப்பி வைத்ததுடன், கனமழை காரணமாக தொடர்பு கொள்ள முடியாமல் இருந்த ஊழியர்களையும் தொடர்பு கொள்ள முயற்சி செய்யப்பட்டதாக கூறப்படுகிறது.

கடந்த வாரம் பெய்த கனமழையால் ஐ.டி., துறைக்கு ரூ.400 கோடி வரை இழப்பு ஏற்பட்டுள்ளதாக கூறப்படுகிறது. மின்சாரம் தொடர்ந்து தடை செய்யப்பட்டதையடுத்து, இருப்பு வைத்திருந்த டீசல் உபயோகப்படுத்தப்பட்டது. டீசலும் முதல் நாளிலேயே தீர்ந்து போனதன் காரணமாக சென்னையில் உள்ள பெரும்பாலான நிறுவனங்கள் மூடப்பட்டன. பணிக்கு வந்த ஊழியர்களும் திருப்பி அனுப்பப்பட்டனர். இதன் காரணமாக நடுத்தர ஐ.டி நிறுவனங்களுக்கு 5 முதல் 10 மில்லியன் டாலர் வரையிலும், பெரிய ஐ.டி., நிறுவனங்களுக்கு 40 முதல் 50 மில்லியன் டாலர் வரையிலும் இழப்பு ஏற்பட்டுள்ளதாக கூறப்படுகிறது.

இதேபோல், வாகன உற்பத்தி துறைக்கும் மழை காரணமாக ரூ.15 ஆயிரம் கோடி வரை இழப்பு ஏற்பட்டுள்ளதாக கூறப்படுகிறது. இந்த கனமழை காரணமாக சிறு, குறு நிறுவனங்கள், தொலைத்தொடர்பு நிறுவனங்கள், பொறியியல் சுற்றுலா துறைகளும் கடுமையாக பாதிக்கப்பட்டது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Due to Heavy rain IT firms functioning from Chennai declared long holidays , some of the employees shifted to Bangalore and Hyderabad
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more