• search
For Quick Alerts
ALLOW NOTIFICATIONS  
For Daily Alerts

உடுமலை காவல்நிலைய பலாத்கார வழக்கு: கைதான 3 போலீசாருக்கு 10 நாளில் ஜாமீன்- பொதுமக்கள் ஷாக்

By Mayura Akilan
|

திருப்பூர்: உடுமலைப் பேட்டை காவல்நிலையத்தில் விசாரணை கைதியை பலாத்காரம் செய்ததாக கைது செய்யப்பட்ட சப்.இன்ஸ்பெக்டர் உள்ளிட்ட 3 போலீசாரை, நிபந்தனை ஜாமீனில் விடுவித்துள்ளது கோவை நீதிமன்றம். பாலியல் பலாத்கார வழக்கில் கைது செய்யப்பட்டு 10 நாளில் ஜாமீனில் விடுவிக்கப்பட்ட சம்பவம் திருப்பூர்

மாவட்டத்தில் பரபரப்பை ஏற்படுத்தியுள்ளது.

உடுமலைப்பேட்டையைச் சேர்ந்தவர் லீலாவதி என்ற மூதாட்டி. இவரது கொலை வழக்கில் கைது செய்யப்பட்ட சந்திரா என்ற பெண்ணை, விசாரணையின் போது அடித்து சித்ரவதை செய்ததோடு, பாலியல் ரீதியாக துன்புறுத்தியதாகவும் எழுந்த புகாரை அடுத்து, சென்னை உயர்நீதிமன்ற

உத்தரவின் அடிப்படையில் சி.பி.ஐ. இதுகுறித்து விசாரித்தது.

Custodial torture and rape case: police gets Condition bail

ஓராண்டுக்கு பின்னர் கடந்த 20-ம் தேதி இந்த வழக்கில் தொடர்புள்ளதாக போலீஸ் எஸ்.ஐ விஜயகுமார், போலீசார் ரங்கநாயகம், திலக் ஆகியோரை சி.பி.ஐ கைது செய்தது. மூவரும்

நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர். இந்நிலையில், மூவருக்கும் ஜாமீன் வழங்க கோரி நீதிமன்றத்தில் மனுத்தாக்கல் செய்யப்பட்டது.

பாலியல் பலாத்காரம் உள்ளிட்ட 7 கடுமையான சட்டப்பிரிவுகளில் கைது செய்யப்பட்டதால், அவ்வளவு எளிதில் ஜாமீனில் வர முடியாது என சொல்லப்பட்டு வந்த நிலையில், ஜாமீன் மனு மீதான

விசாரணை இன்று காலை விசாரணைக்கு வந்தது. ஆனால், ஜாமீன் மனுவுக்கு சி.பி.ஐ எதிர்ப்பு தெரிவிக்காததால், எஸ்.ஐ உள்ளிட்ட 3 போலீசாருக்கும், தினமும் தலைமை குற்றவியல்

நீதிமன்றத்தில் கையெழுத்திட வேண்டும் என்ற நிபந்தனையுடன் ஜாமீன் வழங்கி நீதிபதி உத்தரவிட்டார்.

பாலியல் அத்துமீறல் உள்ளிட்ட கடுமையான சட்டப்பிரிவுகளில் கைது செய்யப்பட்ட மூன்று போலீசாருக்கு நிபந்தனை ஜாமீன் கிடைத்துள்ள சம்பவம் திருப்பூர் மாவட்டத்தில் பரபரப்பை ஏற்படுத்தியுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Three policemen, including a Sub-Inspector of Police and two police constables gets Condition bail in Coimbatore court. Udumalpet police station in Tirupur district, in connection with a case of alleged custodial torture and rape of a woman.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more