எம்.பி.க்கள் திருச்சி சிவா, கே.பி.ராமலிங்கம், தங்கவேலுவுக்கு தி.மு.க. மேலிடம் திடீர் நோட்டீஸ்!

சென்னை: ராஜ்யசபா எம்.பி.க்கள் திருச்சி சிவா, கே.பி. ராமலிங்கம், தங்கவேலுவுக்கு தி.மு.க. கட்சி மேலிடம் திடீரென இன்று விளக்க நோட்டீஸ் அனுப்பியுள்ளதாக அறிவாலய வட்டார தகவல்கள் தெரிவிக்கின்றன

தி.மு.க.வின் ராஜ்யசபா எம்.பி.க்களான திருச்சி சிவா, கே.பி. ராமலிங்கம், தங்கவேலு ஆகியோர் அண்மையில் தி.மு.க. தலைமை கூட்டிய கட்சியின் எம்.பிக்கள் கூட்டத்தில் கலந்து கொள்ளவில்லையாம்.

இதனைத் தொடர்ந்து அதில் கலந்து கொள்ளாதது ஏன் என்று விளக்கம் கேட்டு மூவருக்கும் நோட்டீஸ் அனுப்பி வைக்கப்பட்டுள்ளதாக கூறப்படுகிறது.

தி.மு.க.வின் அமைப்புச் செயலர் ஆர்.எஸ். பாரதி இந்த நோட்டீசை இவர்களுக்கு அனுப்பி வைத்துள்ளதாக அறிவாலய தகவல்கள் தெரிவிக்கின்றன.

English summary

A DMK source said that a show-cause notice had been sent to party MPS Trichy Siva, KP Ramalingam and Thangavelu