பாஜகவுக்கு எதிராக மாநில கட்சிகள் ஒருங்கிணைப்பு: மமதாவுக்கு ஸ்டாலின் ஆதரவு
மாநில கட்சிகளை ஒருங்கிணைக்கும் முயற்சிக்கு திமுக ஆதரவு தெரிவித்துள்ளது.
சென்னை: பாரதிய ஜனதா கட்சியின் ஜனநாயக விரோத ஆட்சிக்கு எதிராக மாநில கட்சிகளை ஒருங்கிணைக்கும் மேற்கு வங்க முதல்வரும் திரிணாமுல் காங்கிரஸ் தலைவருமான மமதா பானர்ஜியின் முயற்சிக்கு திமுக ஆதரவு அளிக்கும் என அக்கட்சியின் செயல் தலைவர் ஸ்டாலின் தெரிவித்துள்ளார்.
பாஜகவுக்கு எதிராக தேசிய அளவில் மாநில கட்சிக்களை ஒருங்கிணைக்கும் முயற்சிகள் தொடருகின்றன. இதில் மேற்கு வங்க முதல்வர் மமதா பானர்ஜி தீவிரம் காட்டி வருகிறார்.
மமதாவின் முயற்சியை வரவேற்று ட்விட்டரின் ஸ்டாலின் பதிவிட்டுள்ளதாவது:
திமுகவைப் பொறுத்தவரையில் மாநில கட்சிகள் ஒற்றுமை, வலிமையான கூட்டாட்சிக்கு ஆதரவானது. பாஜகவின் ஜனநாயக விரோத, எதேச்சதிகார ஆட்சிக்கு எதிராக மாநில கட்சிகளை ஒருங்கிணைக்கும் மமதா பானர்ஜியின் முயற்சிக்கு திமுக ஆதரவு அளிக்கும்.
இவ்வாறு ஸ்டாலின் பதிவிட்டுள்ளார்.
DMK has always stood for the unity of regional parties and stronger federal co-operation. I endorse the efforts of @MamataOfficial to bring together various political parties to oppose the autocratic and antidemocratic rule of the BJP.
— M.K.Stalin (@mkstalin) April 25, 2018