• search
For Quick Alerts
ALLOW NOTIFICATIONS  
For Daily Alerts

ஸ்டாலின் முதல்வராக வேண்டி கோவில் கோவிலாக ஏறி இறங்கும் மனைவி துர்கா

By Mayura Akilan
|

சென்னை: பகுத்தறிவு நம்பிக்கை கொண்ட குடும்பத்தில் இருந்தாலும் கோவில்களுக்கு சென்று சாமி தரிசனம் செய்து வருகிறார் திமுக செயல் தலைவர் ஸ்டாலின் மனைவி துர்கா. கடந்த சில மாதங்களாக அவர் கோவில்களுக்கு சென்று சாமி தரிசனம் செய்வது அதிகரித்து வருகிறது.

தை பூசம் திருவிழா கொண்டாடப்படும் இந்த நேரத்தில் மு.க. ஸ்டாலினின் மனைவி துர்கா ஸ்டாலின் பழனி முருகன் கோயிலில் சாமி தரிசனம் செய்தார்.

சென்னையில் இருந்து பழனிக்கு வந்த துர்கா ஸ்டாலின் வேளச்சேரி தொகுதி எம்எல்ஏ வாகை சந்திரசேகர் குடும்ப விழாவில் பங்கேற்றார்.

பழனி முருகன் தரிசனம்

பழனி முருகன் தரிசனம்

துர்கா ஸ்டாலின் ரோப் கார் மூலம் மலைக் கோயிலுக்கு வந்து முருகனை ராஜ அலங்காரத்தில் சாமி தரிசனம் செய்தார். கோயில் சார்பில் அவருக்கு பிரசாதங்கள் வழங்கப்பட்டன. அங்கு வந்திருந்த பக்தர்கள் சிலர் அவருடன் செல்பி எடுத்துக் கொண்டனர்.

சித்தர் சன்னதியில் வழிபாடு

சித்தர் சன்னதியில் வழிபாடு

அங்கிருந்து போகர் மற்றும் கைலாசநாதர் சன்னதிகளுக்கு சென்று சாமி தரிசனம் செய்தார். அவருடன் திமுக பிரமுகர்கள் சித்தனாதன் சன்ஸ் ரவீந்திரன், மெர்சி செந்தில்குமார், இந்திரா திருநாவுக்கரசு, ஆகியோர் வந்து இருந்தனர்.

பழனியில் சுவாமி தரிசனம்

பழனியில் சுவாமி தரிசனம்

கடந்த சில ஆண்டுகளுக்கு முன்பு பழனி வந்த துர்கா ஸ்டாலின் போகர் ஜெயந்தி விழாவில் பங்கேற்றார். அங்குள்ள, மரகத லிங்கத்தின் சிறப்பு பூஜையிலும் பங்கேற்றார். தற்போது மீண்டும் பழனி முருகனை தரிசனம் செய்துள்ளார்.

இஷ்ட தெய்வம்

இஷ்ட தெய்வம்

பகுத்தறிவு குடும்பமாக இருந்தாலும் சாமி வழிபாடு செய்வதை, எங்கள் குடும்பத்தில், எவரும் தடுப்பதில்லை என்று கூறியுள்ளார். மாரியம்மன் சாமியை எனக்கு பிடிக்கும் என்று ஏற்கனவே கூறியிருக்கிறார் துர்கா ஸ்டாலின்.

கருட சேவை தரிசனம்

கருட சேவை தரிசனம்

கடந்த சில நாட்களுக்கு முன்பு நாகை மாவட்டம் சீர்காழியை அடுத்த திருநாங்கூர் பகுதியில் 108 திவ்யதேசங்கள் அமைந்துள்ளன. இங்கு வந்திருந்து துர்கா ஸ்டாலின் 124வது கருட சேவை தரிசனம் செய்தார்.

ஸ்டாலின் முதல்வராக வேண்டுதல்

ஸ்டாலின் முதல்வராக வேண்டுதல்

திமுக தலைவர் கருணாநிதியின் வீட்டில் யாருமே கோயிலுக்கு செல்ல மாட்டார்கள் என்ற கருத்து நிலவி வரும் நிலையில், கடந்த சில நாட்களாக தொடர்ந்து துர்கா ஸ்டாலின் கோயிலுக்கு சென்று வருகிறார். தமிழக முதல்வராக திமுக செயல் தலைவர் ஸ்டாரின் அமரவேண்டும் என்பதற்காக அவர் கோவில் கோவிலாக ஏறி இறங்குகிறார் என்று எதிர்கட்சியினர் கிண்டலடித்து வருகின்றனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
DMK working president Stalin’s wife Mrs.Durga offer prayer Palani Murugan temple on Sunday.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more