மாப்பு வந்துருச்சுய்யா புது "ஆப்பு"... பைசா செலவில்லாமல் நீங்க "அவ்வை சண்முகி"யாகலாம்!
சென்னை: கையில் மொபைல் இருந்தால் இப்போ இதுதான் சூடான டாப்பிக்.. யாரைப் பார்த்தாலும் இதே பொழுது போக்காக கிட்டத்தட்ட இந்த ஆப்புக்கு அடிமையாகி விட்டார்கள்.
Faceapp செய்யும் சேட்டைதான் இது. யாரைப் பார்த்தாலும் நீங்க பேஸ்ஆப் போட்டுப் பாத்தீங்களா.. செமையா இருக்கு பாஸ்.. செம காமெடி என்று கலகலப்பதைக் கேட்க முடியும்.
பேஸ்புக் பக்கம் போனாலோ அடேங்கப்பா. யாரைப் பார்த்தாலும் இதே வேலையாகத்தான் திரிகிறார்கள். விதம் விதமாக தங்களது முகத்தை மாற்றச் செய்து சிலாகிக்கிறார்கள்.
பேஸ்ஆப்
பேஸ் ஆப் என்ற இந்த ஆப்பை நமது ஆண்ட்ராய்ட் மொபைலில் டவுன்லோடு செய்து கொண்டு நமது முகத்தை விதம் விதமாக மாற்றிப் பார்த்து பொழுது போக்கலாம்.
தினுசு தினுசாக
5க்கும் மேற்பட்ட டிசைன்களில் நமது முகத்தை இந்த ஆப் மாற்றிக் காட்டுகிறது. இளைஞராக, முதியவரா, ஆணாக இருந்தால் பெண்ணாக, பெண்ணாக இருந்தால் ஆணாக என்று விதம் விதமாக மாற்றுகிறது.
புது முகங்கள்
நமது முகத்தை வித்தியாசமாக பார்க்கும்போது அடடே என்று ஆச்சரியப்படுகிறார்கள் மக்கள். கமல்ஹாசன் பாவம் அம்புட்டு செலவு செய்து அவ்வை சண்முகியானதை, பைசா செலவில்லாமல் நாம் செய்ய முடிகிறது என்பதுதான் இதில் விசேஷம்.
பாருங்க மகிழுங்க
சிலரத முகங்கள் இந்த ஆப்பில் சிக்கி முற்றிலும் மாறி வருவதைப் பார்க்கும்போது கழுதை நாமும் நடிக்கலாம் போலயே என்ற எண்ணம் ஓடி வருவதையும் மறுப்பதற்கில்லை.