Just In

படப்பிடிப்பின் போது திடீர் மாரடைப்பு.. நகைச்சுவை நடிகர் கிருஷ்ணமூர்த்தி காலமானார்

Updated: Monday, October 7, 2019, 11:31 [IST]

Recommended Video

Comedy actor Krishnamoorthy : நகைச்சுவை நடிகர் கிருஷ்ணமூர்த்தி மாரடைப்பால் திடீர் மரணம் -வீடியோ

குமுளி: தவசி', 'எல்லாம் அவன் செயல்' உள்ளிட்ட பல படங்களில் நடித்துள்ள நகைச்சுவை நடிகர் கிருஷ்ணமூர்த்தி குமுளியில் நடந்த படப்பிடிப்பின் போது மாரடைப்பால் இன்று அதிகாலை காலமானார்.

தவசி படத்தில் எஸ்க்யூஸ்மி, சாரி ஃபார் த டிஸ்டபென்ஸ், இந்த அட்ரஸ் எங்க இருக்கு கொஞ்சம் சொல்றீங்களா" என்று வடிவேலுவிடம் ஒசாமா பின்லேடனின் அட்ரஸ் கேட்டு பிரபலம் ஆனவர் கிருஷ்ணமூர்த்தி. அவர்தன் பிறகு நடிகர் வடிவேலுவுடன் இணைந்து பல படங்களில் காமெடி வேடத்தில் நடித்து புகழ் பெற்றார்.

famous comedy actor krishnamoorthy passed away for Heart attack

இன்று அதிகாலை 4.30 மணிக்கு குமுளி அருகே வண்டிபெரியாறில் நடந்த திரைப்பட படப்பிடிப்பில் திடீரென கிருஷ்ணமூர்த்திக்கு மாரடைப்பு ஏற்பட்டது. இதையடுத்து உடனடியாக அவர் அருகிலுள்ள தனியார் மருத்துவமனைக்கு அவரை படக்குழுவினர் கொண்டுசென்றார்கள். ஆனால், மருத்துவமனைக்குக் கொண்டுசெல்லும் வழியிலேயே அவர் உயிரிழந்தார்.

திருவண்ணாமலை மாவட்டத்தைச் சேர்ந்த நடிகர் கிருஷ்ணமூர்த்தி, வடிவேலுவின் குழுவில் இணைந்து சிறிய சிறிய காமெடி ரோல்களில் நடித்து பின்னர் மக்களிடம் பெரும் புகழ் பெற்றார். நகைச்சுவை நடிகராக மட்டுமல்லாமல் நான் கடவுள் உள்பட பல படங்களில் குணச்சித்திர வேடத்தில் சிறப்பாக நடித்து மக்களின் கவனத்தை ஈர்த்தவர் ஆவார்.