ஸ்டாலின் பேச்சை வைத்து பார்க்கும்போது திருநாவுக்கரசருக்கு தோன்றியது இதுதானாம்!

சென்னை: பாரதிய ஜனதா கட்சி குறித்து திமுக தலைவர் மு.க.ஸ்டாலின் பேசிய பேச்சை வைத்து பார்க்கும்போது காங்கிரஸ் கூட்டணியில் தான் திமுகவும் இருக்கிறது என்பது உறுதியாகிறது என்று தமிழ்நாடு காங்கிரஸ் கமிட்டி தலைவர் திருநாவுக்கரசர் தெரிவித்தார்.

சென்னை விமான நிலையத்தில் திருநாவுக்கரசர் இன்று காலை அளித்த பேட்டி: அனைத்து மாநிலங்களுக்கும் ஒரே நேரத்தில் சட்டசபை தேர்தல் நடைபெறும் வாய்ப்பு கிடையாது. கர்நாடகாவில் காங்கிரஸ் கூட்டணி அரசை கலைக்க பாரதிய ஜனதா கட்சியின் முயற்சிகளில் ஈடுபடுகிறது. ஆனால் அவர்களுக்கு அதில் வெற்றி கிடைக்காது.

பாரதிய ஜனதா கட்சி குறித்து திமுக தலைவர் மு க ஸ்டாலின் பேசிய பேச்சை வைத்து பார்க்கும்போது காங்கிரஸ் கூட்டணியில் தான் திமுகவும் இருக்கிறது என்பது உறுதியாகிறது என்றார் திருநாவுக்கரசர்.

திமுக தலைவராக நேற்று பதவியேற்ற ஸ்டாலின், "மதவெறியால் மத்திய அரசு மக்களாட்சி மாண்பை குலைக்கும் செயல்களில் ஈடுபடுகிறது என்றும், இந்தியா முழுவதும் காவி வண்ணம் அடிக்க நினைக்கும் மோடி அரசுக்கு பாடம் புகட்ட வா" என்று, பேசினார்.

கருணாநிதி நினைவேந்தல் நிகழ்ச்சிக்கு பாஜக தேசிய தலைவர் அமித்ஷாவிற்கு திமுக சார்பில் அழைப்புவிடுக்கப்பட்டிருந்தது. எனவே, பாஜகவுடன் திமுக நெருக்கம் காட்டுவதாக விமர்சனங்கள் எழுந்தன. இந்த நிலையில், நினைவேந்தலுக்கு அமித்ஷா வருவதில்லை என்பது உறுதியாகியுள்ளது. அதேநேரம் ஸ்டாலினும் பாஜகவை விமர்சித்து பேசியுள்ளார் என்பது குறிப்பிடத்தக்கது.

English summary

The DMK is sure to be in the alliance with the Congress, said Tamil Nadu Congress Committee Chairman Thirunavukkarasar.